Keşe M.Ötemısov atyndaǧy Oquşylar saraiynda «Bal bala» II qalalyq baiqauy şymyldyǧyn türdı. «Än aitu» jäne «Körkemsöz oqu» atalymdaryna bölıngen baiqauǧa 4-6 jas aralyǧyndaǧy 300-den astam baldyrǧan qatysuda.
Astana äkımdıgınıŋ qoldauymen qalalyq Bılım basqarmasy men M.Ötemısūly atyndaǧy Oquşylar saraiy qolǧa alǧan būl baiqau alǧaş ret ötken jyldyŋ qaraşa aiynda «Bi önerı» atalymy boiynşa öttı. Sol joly üzdık bişılerdı anyqtaǧan ūiymdastyruşylar endı daryndy änşıler men körkemsöz oquşylardyŋ arasynan jüzden jüirık, myŋnan tūlparlardy tanyp almaq.
Mektepke deiıngı mekemeler tärbielenuşılerınıŋ arasynda ötıp jatqan baiqaudyŋ basty maqsaty da sol, iaǧni, talanttardy anyqtap, olarǧa barynşa qoldau körsetu, sondai-aq, balabaqşalardaǧy körkemdık jetekşıler men pedagogtardyŋ eŋbegın yntalandyru, ūstazdyq şeberlıgın arttyruǧa jaǧdai jasau, Astanadaǧy mektepke deiıngı bılım beru mekemelerın bılım men tärbienıŋ ortaq keŋıstıgıne bırıktıru.
Ūiymdastyruşylardyŋ aituynşa, qazylar alqasynyŋ qūramyna belgılı mädeniet jäne öner qairatkerlerı kırdı. Olar 13 nauryz künı baiqauda ozyp şyqqandardy anyqtaidy. Osy künı marapattau räsımı de ötedı. Al baiqaudyŋ gala-konsertı Balalardy qorǧaudyŋ halyqaralyq künı 1 mausymda ötedı. Oǧan 2 myŋ bala qatysady dep josparlanuda.
Amanǧali QALJANOV
