Elordada balalarǧa şūǧyl jäne kezek küttırmeitın medisinalyq kömek körsetu üşın №3 balalar auruhanasy jūmys ısteidı. Bügıngı taŋda qalada 18 jasqa deiıngı balalar men jasöspırımder sany – 424 myŋ adam. Nūr-Sūltan qalalyq mäslihatynyŋ kezektı sessiia otyrysynda balalarǧa şūǧyl kömek körsetu mäselelerı talqylandy.
Mäslihat hatşysy Erlan Kanalimovtyŋ töraǧalyǧymen ötken jiynda qaralǧan 10 mäselenıŋ ışınde balalar densaulyǧyn saqtau jaiyna erekşe köŋıl bölındı. «Balalarǧa jedel jäne şūǧyl kömek körsetu qyzmetınıŋ jai-küiı turaly» baiandamany Nūr-Sūltan qalasy äkımınıŋ orynbasary Berık Jakenov jasady. Elordada balalarǧa şūǧyl jäne kezek küttırmeitın medisinalyq kömek körsetu üşın 3 balalar auruhanasy jūmys ısteidı. Bügıngı taŋda qalada 18 jasqa deiıngı balalar sany – 424 myŋ. Sonyŋ ışınde bır jasqa deiıngı 52 myŋ bala bar. «QR Halyq densaulyǧy jäne densaulyq saqtau jüiesı turaly» kodeksıne säikes, medisinalyq kömek körsetu formalarynyŋ üş türı bar: bırınşı – şūǧyl, ekınşı – kezek küttırmeitın jäne josparly. B.Jakenov balalardy medisinalyq qyzmetpen qamtamasyz etetın auruhanalarǧa bailanysty bırneşe problemalyq sūraqtardy köterdı.
– 1991 jyly salynǧan №1 qalalyq köpbeiındı balalar auruhanasynyŋ ǧimaraty jäne injenerlık jelılerı kürdelı jöndeudı qajet etedı. Jobalau smetasy boiynşa jöndeu somasy memlekettık saraptamaǧa säikes 2 mlrd teŋgeden asady. Mäslihattyŋ 4 aqpandaǧy şeşımımen konkurs jariialau üşın 2 mln teŋge alǧanbyz, qazır konkurs bastalyp kettı, säuırdıŋ 7-sınde bız soǧan bailanysty şeşım qabyldaimyz. Biylǧy jūmys jospary boiynşa biudjetke auyrtpaşylyq tüsırmes üşın 1 mlrd teŋge kölemınde qarjyǧa jūmys jürgızu josparda bar. Būl rette auruhana jūmysyn jalǧastyra beredı, balalardy basqa auruhanalarǧa auystyrady. Auruhana 2 korpustan tūrady. Üşınşı korpusty saludy biyl bastau josparda bar. Odan bölek, №1 auruhananyŋ zararsyzdandyru bölımşesı ǧimaratyna kürdelı jöndeuge 105 mln teŋge qarastyryldy. Oǧan da konkurs ötıp jatyr. 3,5 aida bıtedı dep josparlanuda. Sonymen qatar barlyq balalar auruhanalarynyŋ aumaǧy kögaldandyru jäne abattandyrudy qajet etedı. Būl baǧytta audan äkımdıkterımen bırge jūmys jürgızemız. Öz ūsynysym Qorşaǧan ortany qorǧau jäne tabiǧatty paidalanu basqarmasy arqyly kompensasiialyq taldar otyrǧyzu kerek. №3 balalar auruhanasynda diagnostikany jaqsartu maqsatynda magnittık-rezonanstyq tomografiia satyp alu mümkındıgı qarastyryluda. Oǧan ıştegı rezervtı paidalanyp köremız, syrttan kömek körsetılse tıptı jaqsy bolar edı. Taǧy bır ülken problema – travmatologiialyq punkt tek bır auruhanada ǧana bar, sondyqtan biyl sondai punkttı №3 auruhanada aşu josparlanuda, – dedı B.Jakenov.
Mäslihat deputaty Läzzat Raspekova balalarǧa şūǧyl medisinalyq kömek körsetudegı eŋ basty problema kadr tapşylyǧy ekenın atap öttı. Oǧan B.Jakenov balalar pediatriiasy boiynşa 2015 jyldan bastap mamandar daiyndalmaitynyn, tek byltyrdan bastap äzırleu qolǧa alynǧanyn jetkızdı. «Elordada balalarǧa medisinalyq kömek körsetu boiynşa kadrlardyŋ jetıspeuşılıgıne bailanysty jaǧdai baqylauda. Sondyqtan osy baǧyttaǧy jūmys qarqynyn qalalyq Bılım basqarmasy arqyly biyl ekı eseledık» dedı ol.
L.Mūratqyzy qabyldau bölımderın jabdyqtau, mekeme menedjmentı, jūmysty dūrys ūiymdastyra bılu, naqty jospar bekıtu keregın, mūnyŋ bärı densaulyq salasyna qatysty halyqtyŋ şaǧymyn azaituǧa septıgın tigızetının atap öttı. Al qala äkımı orynbasarynyŋ aituynşa, qūral-jabdyqtar jetkılıktı, tek olardy tiımdı paidalanuda menedjment salasyn damytuǧa basa köŋıl bölınude.
– Tarifikasiiaǧa bailanysty qaryzdardy öteu boiynşa Densaulyq saqtau basqarmasymen jūmys jürgızılude. Qalamyzda balalar sany jyl saiyn ösıp, oǧan 3 auruhana küşı jetpei jatyr, bıraq sol jūmysty jüielı türde şeşu joldary qarastyryluda. Osy jyldy sızderdıŋ qoldauyŋyzben «Densaulyq saqtau salasynyŋ infraqūrylymy jyly» dep jariialadyq, sondyqtan ǧimarattar qūrylysyna qatysty jūmystar josparly türde qarqyndy jürgızıledı, – dedı B.Jakenov.
Saual qoiǧan deputattar travmatologiia punktı ornalasqan ǧimarattardyŋ tar ekenın, nauqas balalardyŋ dälızde kezegın kütetın kezde dūrys jaǧdai jasalmaǧanyn alǧa tartty. B.Jakenovtıŋ aituynşa, qazır qalada balalar medisinasy boiynşa ekı baǧytta jükteme tüsıp tūr, olar – travmatologiia jäne stomatologiia salalary. Byltyr 62000 bala travmatologiialyq kömekke jügıngen. Sondyqtan №3 balalar auruhanasynan aşylatyn ekınşı travmatologiialyq punkt sol jüktemenı azaituǧa septık etedı. Äkım orynbasary tar ǧimaratty keŋeitu mäselesı Qūrylys basqarmasymen bırge şeşılıp jatqanyn jetkızdı.
Sessiiada deputattar şaǧyn otbasylarǧa arnalǧan jataqhanalar salu arqyly tar aiadaǧy medisina mamandaryn özge öŋırlerden tartu mümkındıgı bar ekenın de jetkızdı. «Üidegı därıger» jobasynyŋ da sätsız jüzege asyp jatqanyn tılge tiek etken olar būl jobany jüzege asyru mehanizmın özgertu kerektıgın ūsynys ettı. Onyŋ ornyna jaŋa ǧimarattar aşuǧa basymdyq bergen jön bolar ma edı deidı olar.
B.Jakenov osy oraida qalada medisina mamandaryna 4 jataqhana salu josparlanyp otyrǧanyn jetkızdı. Sonymen qatar halyq sany men qalanyŋ ösuıne bailanysty sol jaǧalauda taǧy bır emhana salu qajettıgı aityldy. Qala tūrǧyndary tarapynan şūǧyl kömekke şaǧym köp. Keptelıstıŋ kesırınen medisina qyzmetkerlerı keş keluı mümkın. Jolda jedel järdemge jol bermeitınder de bar. Qoldanystaǧy kölıkter sapasy qandai? Ärine, jyl saiyn äkımdık tarapynan köŋıl bölınıp, bärı jaŋartyluda, bıraq sonyŋ özı jete me? Deputattar osy sūraqtarǧa jauap ızdedı.
Sondai-aq deputattar elorda mäslihatynyŋ äleumettık-mädeni damu mäselelerı jönındegı tūraqty komissiiasynyŋ esebın, Nūr-Sūltan qalasy mäslihatynyŋ reglamentın, sondai-aq qoǧamdyq keŋestıŋ qūramyn, deputattyq etika mäselelerı jönındegı komissiianyŋ qūramyn bekıtu turaly, mäslihattyŋ 2020 jylǧy 30 qyrküiektegı №537/73-VI «Nūr-Sūltan qalasynyŋ aumaǧynda jasyl ekpelerdı kütıp-ūstau jäne qorǧau qaǧidalaryn bekıtu turaly» şeşımıne özgerıster men tolyqtyrular engızu turaly mäselelerdı talqylady. Sessiia otyrysyna 31 deputattyŋ 25-ı qatysyp, mäseleler şeşımın maqūldau boiynşa dauys berdı.
