Memleket basşysynyŋ özı airyqşa nazar audaryp otyrǧan mäselenıŋ bırı – mekteptegı qauıpsızdık. Jasyratyny joq, balalardyŋ qauıpsızdıgın qamtamasyz etude köptegen kemşılıkterge jol berıp otyrmyz. Prokuratura ökılderı aşyq aitqan jaittar bärımızdı oilandyruy tiıs. Mäselen, balalar men jasöspırımder arasyndaǧy qūqyq būzuşylyq, suisid faktılerınıŋ azaimauy – osyndai qylmystardyŋ aldyn alu jūmysynyŋ jürgızılmeuı ia bolmasa naşar jürgızıluınıŋ nätijesı. Bır ǧana alaŋdatarlyq fakt, 2023 jyly balalarǧa qatysty jynystyq sipattaǧy qylmys ösken. Biyl 24 balaǧa jynystyq zorlyq jasalǧan. Byltyr 83 bala suisid jasap, 12-sı aman qalsa, biyl 3 bala özıne-özı qol salǧan. Būl – bır ǧana otbasynyŋ qaiǧysy emes, küllı qoǧam bolyp küresetın mäsele.
Astana qalasynyŋ Bılım basqarmasy ädıstemelık ortalyǧymen bırlese otyryp Aqseleu Seidımbek atyndaǧy №54 mektep-lisei bazasynda «Qauıpsız balalyq şaq» taqyrybynda seminar-keŋes ötkızdı.
Is-şaraǧa tehnikalyq jäne käsıptık, jalpy orta bılım beru ūiymdarynyŋ basşylary, mektepke deiıngı bılım beru ūiymdarynyŋ meŋgeruşılerı, jekemenşık balabaqşalardyŋ qauymdastyǧynyŋ jäne ata-analar komitetınıŋ müşelerı qatysty.
Jiyn Astana qalasy äkımınıŋ orynbasary Eset Baikennıŋ töraǧalyǧymen öttı, seminar-keŋeske Oqu-aǧartu ministrlıgınıŋ Balalardyŋ qūqyqtaryn qorǧau komitetınıŋ töraǧasy Nasymjan Ospanova, Astana qalasy prokurorynyŋ kämeletke tolmaǧandar boiynşa aǧa kömekşısı Äigerım Ömırzaqova, qalalyq Polisiia departamentı Jergılıktı polisiia qyzmetı basqarmasy bastyǧynyŋ orynbasary, polisiia polkovnigı Qanat Nysantaev, Tötenşe jaǧdailar departamentı bastyǧynyŋ orynbasary Damir Ermaǧambetov, «Nazarbaev ziiatkerlık mektebı» derbes bılım beru ūiymynyŋ Balalardyŋ äl-auqaty departamentınen Äliia Abkenova, Astana qalasy Bılım basqarmasy basşysy Qasymhan Senǧazyev qatysyp, bala qauıpsızdıgıne qatysty baiandamalar jasady, bılım beru ūiymdarynyŋ ökılderınıŋ sūraqtaryna jauap berdı.
– Keiıngı kezderı bızdıŋ äleumettık qoǧamda baiqalyp jatqan tendensiialyq faktorlar şūǧyl türde bala qauıpsızdıgıne qatysty jiyndy jospardan tys ötkızudı qajet ettı, osy baǧytta naqty jūmys jasaluy tiıs dep esepteimın. Kündelıktı balalardyŋ qauıpsızdıgı, densaulyǧy, ömırıne jauapty bılım mekemelerınıŋ osyǧan qatysty eŋ özektı saualdaryn, mäselelerın däl osy jerde, osy otyrǧan sarapşylarmen bırge talqylap, osy tarapta jūmysty jandandyruymyz qajet. Öitkenı mamandar keltırgen derekter men däiekter, körsetkışter alaŋdatady. Būl – balaǧa, onyŋ otbasyna, oqu ordasyna qatysty mälımet qana emes, är bala bızdıŋ ūlanymyz, bızdıŋ bolaşaǧymyz, sondyqtan, būl qoǧam bolyp, bala tärbiesındegı olqylyqtarǧa, adam türşıgerlık sifrlarǧa beijai qaramai, ony boldyrmauǧa janymyzdy sala küresuımız qajet, – dedı Eset Baiken özınıŋ sözınde.
Seminar-keŋeste spikerler keltırgen derekter men däiekter, balaǧa qatysty qylmystyq faktıler, bullingter, türlı qiyndyqtarǧa tap boluy – balalardyŋ ömırın, densaulyǧyn saqtau jolynda, bılım beru mekemelerındegı qauıpsızdıktı qamtamasyz etu baǧytynda jüielı şaralar qabyldau kerektıgın aŋǧartty. Būl – memlekettıŋ asa maŋyzdy mındetterınıŋ bırı.
