BALABAQŞA AŞU OŊAI MA?
Astanadaǧy Oquşylar saraiynda elordadan jekemenşık balabaqşa aşamyn dep qyzyǧuşylyq bıldırgen azamattarǧa aşyq esık künı öttı.
MEMLEKETTIK TAPSYRYSTY ORYNDAIDY
Elbasy Nūrsūltan Nazarbaevtyŋ biylǧy Qazaqstan halqyna arnaǧan Joldauynda memleket pen jekemenşık arasyndaǧy ärıptestık aiasyn keŋeitu käsıpkerlıktı damytuǧa zor mümkındık beretını jaiynda tereŋırek aitylǧan edı. Osy baǧytta bas qalamyzda bırqatar jūmystar bastalyp ta kettı. Äsırese, keiıngı kezderı elordada jekemenşık balabaqşa aşqan biznes ökılderınıŋ qatary köbeidı. Olarǧa memleket tarapynan ülken qoldau körsetılude. Oǧan keşegı şarada anyq közımız jettı.
Aşyq esık künı aiasynda qalalyq Bılım basqarmasy, Käsıpkerlık jäne önerkäsıp basqarmasy, qazaqstandyq mektepke deiıngı ūiymdar qauymdastyǧy, QR Bas prokuraturasy, «Atameken» ŪKP, «Damu» käsıpkerlıktı damytu qory» AQ jäne Qarjy, Auyl şaruaşylyǧy, Ūlttyq ekonomika ministrlıkterınıŋ qūrylymdyq bölımşelerı men ekınşı deŋgeilı bankterdıŋ ökılderı «bır tereze» qaǧidaty boiynşa keluşılerdıŋ talap-tılekterın qabyldap, olarǧa qajettı aqparattar ūsynyp, zaŋdyq tūrǧydan keŋes berdı.
Şaraǧa qyzyǧuşylyq bıldırgen 140-tan astam adam keldı. Onyŋ ışınde 61 azamat jekemenşık balabaqşa aşuǧa tıkelei niet tanytsa, 18 käsıpker özderı aşqan mektepke deiıngı ūiymnyŋ jūmystaryn keluşılerge körsetıp, täjıribelerımen bölısıp, memlekettık tapsyrys turaly keŋırek maǧlūmat aldy.
– Bügınde elordada 95 memlekettık, 116 jeke balabaqşa jūmys ısteidı. Jekemenşık mektepke deiıngı ūiymdardyŋ denı memlekettık tapsyrys alady. Jyl sanap jeke balabaqşalardyŋ qatary köbeigen saiyn kezek te azaiyp keledı. Bügınde qalalyq äkımdıktıŋ şeşımımen memlekettık pen jekemenşık balabaqşanyŋ tölemderın teŋestıru üşın jūmystar jürgızılude. Aitalyq, memlekettık balabaqşanyŋ ai saiynǧy tölemı 16 800 teŋge bolsa, jekemenşık ūiym 20 800 teŋgenı qūraidy. Sonşalyqty aiyrmaşylyq joq. Alaida, balabaqşa aşu oŋai emes. Käsıpkerdıŋ jekemenşık nemese jalǧa alǧan ǧimaraty bolyp, ol sanitarlyq normalarǧa säikes bolu qajet. Tızım boiynşa qūjattar daiyndaidy. Sodan keiın talapqa laiyq bolǧan jaǧdaida memlekettık tapsyrys ala alady, – deidı Bılım basqarmasynyŋ Mektepke deiıngı tärbie men oqu bölımınıŋ basşysy Anar Smakova.
Bügınde elordada 95 memlekettık, 116 jeke balabaqşa jūmys ısteidı. Jekemenşık mektepke deiıngı ūiymdardyŋ denı memlekettık tapsyrys alady. Jyl sanap jeke balabaqşalardyŋ qatary köbeigen saiyn kezek te azaiyp keledı. Bügınde qalalyq äkımdıktıŋ şeşımımen memlekettık pen jekemenşık balabaqşanyŋ tölemderın teŋestıru üşın jūmystar jürgızılude. Aitalyq, memlekettık balabaqşanyŋ ai saiynǧy tölemı 16 800 teŋge bolsa, jekemenşık ūiym 20 800 teŋgenı qūraidy. Sonşalyqty aiyrmaşylyq joq.
KÄSIPKERGE QOLDAU KÖRSETILEDI
Memleket basşysynyŋ bastamasymen «Biznestıŋ jol kartasy – 2020» baǧdarlamasy qolǧa alyndy. Sonyŋ nätijesınde elımızdegı şaǧyn jäne orta biznestıŋ boiyna qan jügırıp, köptegen azamattar «Damu» qory arqyly jeŋıldetılgen nesie alyp, öz şarualaryn döŋgeletıp äkettı. Äsırese, sonyŋ ışınde äleumettık salaǧa köp basymdyq berılgen. Sodan bolar, şaraǧa keluşıler aldymen «Damu» qorynan kelgen ökıldermen jüzdesıp, ūtymdy jauaptar aldy.
«Biznestık jol kartasy – 2020» baǧdarlamasymen jekemenşık balabaqşa aşamyn degen azamattar köp. Soǧan bailanysty ekınşı deŋgeidegı bankterden adamdarǧa jyljymaityn mülık satyp alu, ony keŋeitu jäne jabdyqtar satyp aluǧa jeŋıldetılgen nesie qarastyrylǧan. Mäselen, baǧdarlama aiasynda ekınşı deŋgeidegı bankter 14-16 paiyzben nesie beredı. Bıraq 19 paiyzǧa deiın berıletın nesienıŋ 7 paiyzyn «Damu» qory arqyly memleket töleidı. Ötken jyly osy baǧdarlama boiynşa 30-dan astam jekemenşık mektepke deiıngı ūiymǧa qoldau körsetıldı» deidı «Damu» käsıpkerlık damytu qory» AQ-nyŋ Astana aimaqtyq filialynyŋ direktory Mereke Syzdyqov.
Sondai-aq, Käsıpkerlık jäne önerkäsıp basqarmasy basşysynyŋ orynbasary Äliia Qojabaevanyŋ aituynşa, elorda äkımdıgı «Start-biznes Astana» dep atalǧan baǧdarlamany ıske qosyp, sonyŋ aiasynda öz ısın endı bastaǧan käsıpkerge ekınşı deŋgeidegı bankterden 8,5 paiyz mölşerlemesımen jeŋıldetılgen nesie berudı qolǧa alǧan. Sonymen bırge atalǧan baǧdarlama şeŋberınde mektepke deiıngı oqudy ūiymdastyru jobasy boiynşa jaŋa balabaqşa salǧan käsıpkerge tegın infraqūrylym tartylady. Ärine, būl ülken qoldau dep aituǧa bolady. Osyndai memleket tarapynan qoldau körgen «Merei» jekemenşık balabaqşanyŋ direktory Samal Aitqojina bızge öz täjıribesımen bölıstı.
– Keiıngı jyldary elımızde säbilerdıŋ ömırge kelu körsetkışı öte joǧary. Bır künde perzenthanda 35 bala düniege keledı. Äuelı balalardy damytatyn ortalyq aştym. Soǧan jetkınşekterın äkelgen ata-analar «sız nege balabaqşa aşpaisyz?» degen ideia berdı. Sodan «Damu» qoryna baryp, barlyq qūjattarmen tanysyp, bır aidan keiın nesiege qol jetkızıp, ǧimarat satyp alyp, 2012 jyly alǧaşqy balabaqşamnyŋ jūmysyn bastadym. Elorda äkımdıgı de qoldau bıldırdı. Qazır mende ekı jekemenşık mektepke deiıngı ūiym bar. Onda 150 bala qabyldanǧan. Balǧyndardy qazaq jäne orys tılınde tärbieleimız. Qyzmetkerlerdıŋ bärı joǧary bılımdı mamandar, – deidı ol.
ÄDISTEMEDE ÖZGERIS BOLMAIDY
Şara barysynda jekemenşık mektepke deiıngı ūiymdardyŋ ökılderı körme ūiymdastyrdy. Onda türlı baǧyttaǧy jürgızılgen jūmystar jūrtşylyqqa ūsynyldy.
– «Baby-Village» jekemenşık balabaqşasy bas qaladaǧy ekologiialyq taza aimaqta ornalasqan. Bızdıŋ ūiymda 2 men 7 jas arasynda 170-ten astam balǧyn bar. Olar jas erekşelıkterıne qarai qazaq jäne orys tılınde ekı topqa bölıngen. Bır topta 20-25 bala ornalasqan. Balalardy logikalyq-matematikalyq jaǧynan damytamyz. Osy baǧytta ädıstemelık nūsqaulyq şyǧardyq. Tiptık baǧdarlamany negızge alyp, innovasiialyq baǧytta sabaq jürgızemız. Balanyŋ aqyl-oiyn damytatyn oiyndar ötkızemız. Ūlttyq oiyndarǧa erekşe män beremız. Ötken jyly 35 balaǧa biyl 115 jetkınşekke memleket tapsyrys aldyq. Ata-analar soǧan qatty quanyşty, – deidı atalǧan balabaqşanyŋ logika-matematika pänınıŋ oqytuşysy Ainūr Ruslanqyzy.
Jalpy memlekettık pen jekemenşık balabaqşanyŋ oqu-ädıstemelık jüiesınde eşqandai aiyrmaşylyq bolmaidy. Elımız boiynşa jalpyǧa bırdei standarttyq tiptık baǧdarlama bar. Sol jüzınde ädıstemelık sabaqtar jürgızıledı.
Qysqasy, aşyq esık künıne kelıp, jeke balabaqşa aşuǧa qyzyǧuşylyq bıldırgen azamattardyŋ bärı de jauapty mamandarǧa öz ūsynystaryn jetkızıp, naqty jauaptar aldy. Qalai bolǧanda da, balǧyndarymyzdyŋ eŋ bır tättı şaqtary baqytty ötse eken deimız. Endı Astana äkımdıgı osyndai elge paidasy bar aksiiany aldaǧy uaqytta jiı ötkızıp tūratyn bolady.
Azamat ESENJOL