Ötken seisenbı küngı Ükımet otyrysynan keiın Bılım jäne ǧylym vise-ministrlerı Elmira Suhanberdieva jäne Bibıgül Asylova bılım salasynda qolǧa alynǧan jobalar jaiynda brifing ötkızdı.
Elbasy jaqynda ǧana Qazaqstan halqyna arnaǧan Joldauynda bılım salasyna jaŋa mındetter jüktedı. Endı ony oryndau üşın atalǧan ministrlık bırqatar şaralardy qolǧa alǧan. E.Suhanberdievanyŋ aituynşa, jergılıktı atqaru organdarymen bırlesken jol kartasy jasalyp, osy baǧytta jūmys toby qūrylǧan. Biylǧy mausym aiynda mūǧalımder alǧaş ret ūlttyq test tapsyrdy. Osy bılıktılık testıleuden 56910 pedagog ötken. Endı olar qyrküiekten bastap jaŋa jüiemen jalaqy ala bastady. Testıleudıŋ ekınşı kezeŋı aldaǧy qaraşa aiynda ötedı.
Qazırgı künde elımızdegı mektepter men balabaqşalardyŋ 80 paiyzy beinebaqylau kameralarymen jabdyqtalǧan. Osy jobany jüzege asyruda Atyrau oblysy köş bastap tūr. Būl aimaqta bılım beru ūiymdarynyŋ 87 paiyzy beinebaqylaumen jaraqtalǧan. Endı aldaǧy üş jylda būl jūmys tolyq aiaqtalady. Sondai-aq, Bılım jäne ǧylym vise-ministrı Bibıgül Asylovanyŋ sözıne zer salsaq, 2023 jylǧa qarai jalpy bılım beru salasyna jūmsalatyn şyǧyndar bırşama artady eken.
«Aldaǧy jyldan bastap balabaqşa mamandarynyŋ eŋbekaqysy ösedı. Pedagogtardyŋ märtebesı turaly zaŋdy äzırleu aiasynda mektep basşylyǧynyŋ da jalaqysyn köteru qarastyryldy. Sonymen qatar, synyp jetekşısı jäne mūǧalımderdıŋ oquşylar däpterın teksergenı üşın de jalaqyny ösıru esepteldı. Būl maqsattarǧa respublikalyq biudjetten qosymşa qarjy bölınedı» dedı vise-ministr.
