Astanadaǧy «Kz» qoǧamdyq qory men «Delfinarii» ortalyǧy bırlesıp, äleumettık jaǧynan az qamtylǧan otbasylardan şyqqan balalarǧa qaiyrymdylyq şarasyn ötkızdı.
Onyŋ maqsaty – köp balaly otbasylar men mümkındıgı şekteulı jetkınşekterge qoǧam nazaryn audaryp, mümkındıgınşe qoldau körsetu.
İgılıktı şaraǧa bas qalada tūratyn 300-den asa balalar jinaldy. Olar adamnyŋ ızgı dosy sanalǧan su januarlaryn öz közımen körıp, bır saǧattan astam türlı qyzyqqa toly şou tamaşalap, mäz-meiram quanyşqa bölendı.
–Bızdıŋ qoǧamdyq qor ünemı äleumettık jaǧynan mūqtaj otbasylarǧa qamqorlyq körsetıp keledı. Bügıngı şara – sonyŋ bır jalǧasy. «Delfinarii» ortalyǧy bızdıŋ aitqan ūsynysymyzdy jerge tastamai, 3 pen 14 jas aralyǧyndaǧy üş jüz balaǧa tamaşa keş ūiymdastyrdy. Būǧan mümkındıgı şekteulı jasöspırımder de keldı. Endı ortalyq basşylyǧy osy balalardy aiyna bır ret tegın kırgızuge mümkındık jasap otyr. Olarǧa aitar alǧysymyz şeksız, – deidı «Kz» qoǧamdyq qorynyŋ ökılı Meruert Särsetova.
Azamat ESENJOL
