Balalar şyǧarmaşylyǧynyŋ bastauy
Elordada ötkızılıp jatqan şaralardyŋ köbısın «EXPO-2017» halyqaralyq körmesımen bailanystyryp jatatynymyz jasyryn emes. Beibıtşılık jäne kelısım saraiynda balalar men jasöspırımder arasynda ötken «Şattyq-2017» şyǧarmaşylyq baiqauynyŋ gala-konsertı de būl ürdısten qalys qalmady.
Osymen 11-ret baiqau talantty jastarǧa esıgın aiqara aşty. Festival elordamyzdyŋ jaqsy dästürıne ainaldy. Däl osy baiqau arqyly jas önerpazdar boiyndaǧy darynyn jalpaq jūrtqa jariia etıp, ülken sahnaǧa joldama alyp jatyr.
Merekelık keşte «Nūr Otan» partiiasynyŋ Astana qalalyq filialy töraǧasynyŋ orynbasary Edıl Mamytbekov qala äkımı Äset İsekeşevtıŋ qūttyqtau sözın jetkızdı.
– Festivalde jeŋımpaz atanǧan jastardy şyn jürekten qūttyqtaimyn. Būl jeŋıs, eŋ aldymen, oquşylar men olardyŋ äke-şeşelerınıŋ, ūstazdarynyŋ eŋbegı. Konkurs aldaǧy EXPO körmesınıŋ aiasynda ötkızılıp jatqany – bız üşın erekşe märtebe. Bızdıŋ mındet – 25 jylda jetken jetıstıkterımızdı paş
etu, qazaqi qonaqjailyq tanytyp, ūltymyzǧa tän qasiettermen bölısu. Bügıngı şaraǧa qatysyp otyrǧan jas daryndarymyz bolaşaqta elımızdıŋ tuyn biıkke köteretın azamattar bolatynyna senemın, – dedı ol.
İä, rasymen de, «Şeteldık qonaqtardy nemen taŋqaldyramyz?» dep dal boludyŋ qajetı joq. «Şattyq» festivalınıŋ maŋaiynda elordamyzdyŋ eŋ talantty önerpazdary şoǧyrlanǧan. Ūlttyq än, ūlttyq kiım, myŋ būralǧan bişıler men dombyranyŋ qūlaǧynda oinaityn qyz-jıgıtter – osynyŋ bärı – ūlttyq kolorit, ūlttyq brend. Sözıme dälel bolsyn, 2015 jyly Milanda ötken EXPO körmesınde qazaqstandyq pavilonǧa keluşılerdıŋ qatary köp boldy.
Ony şetelde jürgen qandastarymyz da, el namysyn qorǧap, körmege atsalysqandar da aitqan edı.
Konserttık baǧdarlamada körermen düniejüzılık körmenıŋ tarihymen tanysty. Önerpazdar EXPO körmesı alǧaş ūiymdastyrylǧan Ūlybritaniiaǧa, onyŋ ızın jalǧaǧan Fransiia, AQŞ, Germaniia jäne basqa elderge sapar şegıp, teatrlandyrylǧan muzykalyq qoiylym qoidy.
Festivaldıŋ biylǧy bır erekşelıgı onyŋ qazaq, orys jäne aǧylşyn tılderınde jürgızıluı boldy.
11 jyl ışınde «Şattyq» şyǧarmaşylyq qalalyq baiqauy astanalyq bılım beru ūiymdarynyŋ arasynda basty jobaǧa ainaldy. Biyl baiqauǧa 6000-nan astam ötınım kelıp tüstı, onyŋ 4000-ǧa juyǧy negızgı ainalymǧa joldama aldy. Balalar men jasöspırımder muzyka, horeografiia, fotosuret, teatr, beineleu önerı, hor, vokal, sony janrlary jäne kiım dizainy boiynşa özara bäsekelestı.
Baiqau qorytyndysy boiynşa jeŋımpazdarǧa 32 altyn, 55 kümıs jäne 79 qola statuetkalary saltanatty türde tabys etıldı.
Güldana TALǦATQYZY