Qazaqstan halqynyŋ bırlıgı künı elordalyq «Jastar» saraiynda «Bızdıŋ saraidyŋ balalary» balalar şyǧarmaşylyq ūjymdarynyŋ eseptık konsertı öttı, dep habarlaidy astana-akshamy.kz
Biyl «Jastar» saraiy 50 jyldyq mereitoiyn atap ötude. Eseptı konsert baǧdarlamasyna «Rovesnik» estradalyq bi halyq ansamblı, «Vremia» bi teatry, «Meruert» qazırgı zamanǧy bi halyq ansamblı, halyq aspaptar üiırmesı, «Sharm models» modelder mektebı jäne basqa da köptegen şyǧarmaşylyq ūjymdar qatysady.
Bırınşı qabattyŋ foiesınde saraidyŋ beineleu önerı şeberhanasy – studiiasynyŋ jas suretşılerınıŋ suretterınıŋ körmesı ūiymdastyryldy. Sondai-aq, mūnda armrestling seksiiasynyŋ tärbielenuşılerı öz küşterı men daǧdylaryn körsetken sport aimaǧy ornalasqan.
«Jastar» saraiynyŋ atynan barşaŋyzdy Qazaqstan halqynyŋ bırlıgı künımen qūttyqtaǧymyz keledı. Öner süier qauymǧa «Bızdıŋ saraidyŋ balalary» atty balalar şyǧarmaşylyq ūjymdarynyŋ esep beru konsertın ūsynamyz. Bügınde sahnada onǧa juyq şyǧarmaşylyq ūjym öner körsetedı. Körermendı quantu üşın bız vokaldyq jäne bi nömırlerın, teatrlyq eskizderdı, sän körsetılımın, sportşylar men skauttardyŋ önerın, sondai-aq balalar suretterınıŋ körkemöner körmesın daiyndadyq», – dedı «Jastar» saraiynyŋ PR menedjerı Janerke Baratqyzy.
Ekınşı qabatta jas sängerler jaŋa kiım toptamasyn ūsyndy.
«Bügıngı mereke – bızdıŋ tatu-tättı elımızdıŋ talantty, şyǧarmaşyl adamdardy bırıktıretınınıŋ aiqyn körnısı. Al konsert pen körme osynyŋ dälelı. Şynynda da, būl jerde özınıŋ talantyn körsetetın talantty jastar jinaldy. Ūiymdastyruşylarǧa osy ıs – şara üşın köp raqmet», – dedı astanalyq Roza İsmanqūlova.
