M. Ötemısov atyndaǧy Oquşylar saraiynda «Astana qalasynyŋ memlekettık arhivı» MM halyqtar bırlıgı künıne arnalǧan «Bırlıgı jarasqan – Qazaqstan» fotoqūjattyq körmesınıŋ resmi aşyluyn ötkızdı, dep habarlaidy astana-akshamy.kz
Atalǧan ıs-şaraǧa qoǧam qairatkerlerı, ǧalymdar, türlı etno-mädeni bırlestıkterdıŋ ökılderı qatysty. Astana qalasy memlekettık arhivınıŋ direktory Jangeldı Bimoldin qūttyqtau söz söilep, barlyq qatysuşylardy halyqtar bırlıgı künımen qūttyqtady. Odan keiın söz alǧan t. ǧ. d., professor, QR Öner akademiiasynyŋ akademigı, S. Seifullin mūrajaiynyŋ direktory Marat Äbsemetov Qazaqstanda tūratyn halyqtardyŋ köpşılıgı ekınşı düniejüzılık soǧys kezınde jer audarylǧanyn atap öttı. Al Astana qalasyndaǧy «Taŋ» tatar-başqūrt etnomädeni bırlestıgınıŋ ökılı Zemfira Dautova barlyq qatysuşylardy merekemen qūttyqtap, bırlestıktıŋ qūrylu tarihyn qysqaşa aityp berdı. «Vainah» şeşen-inguş ansamblınıŋ jetekşısı Hanifa Masieva Ekınşı düniejüzılık soǧys kezınde Qazaqstan aumaǧyna jer audarylǧan şeşen-inguştardyŋ tıkelei ūrpaǧy ekenın aityp, sol kürdelı jyldar turaly estelıktermen bölıstı.
Körme barysynda «Vainah» şeşen-inguş ansamblı körermender men qonaqtardyŋ nazaryna «Lezginka»biın ūsyndy.
Atalǧan ıs-şaraǧa Kölık jäne kommunikasiia joǧary kolledjınıŋ 1 kurs studentterı, BAQ ökılderı, körnektı qoǧam qairatkerlerı, ǧalymdar qatysty.
Körme Qazaqstan Respublikasynyŋ Memlekettık gimnımen aiaqtaldy, onyŋ aiasynda Qazaqstannyŋ barlyq halyqtary tatulyq pen dostyqta, kelısım men yntymaqtastyqta ömır süredı.
