Nūr-Sūltan qalasy mäslihatynyŋ äleumettık-mädeni damu mäselelerı jönındegı tūraqty komissiiasynyŋ otyrysynda elordadaǧy balalar-jasöspırımder sport mektepterın damytu jospary talqylandy. Tiıstı baiandamany qalalyq Dene şynyqtyru jäne sport basqarmasynyŋ basşysy Samat Jylqybaev jasady.
Onyŋ mälımdeuınşe, qazır elordada balalar men jasöspırımderge arnalǧan 11 sport mektebı jūmys ısteidı. Būl mektepterde sporttyŋ 60 türı boiynşa 9 myŋǧa juyq oquşy üşın jattyǧular ötedı. Bapkerlerdıŋ jalpy sany – 408 adam.
– Balalar-jasöspırımder sport mektepterınıŋ keibırınde sporttyq bazalar joq. Oqu-jattyǧu şaralary jalǧa alynǧan bazalar men sport nysandarynda ötedı, – dedı S.Jylqybaev.
Sport mektepterı tärbielenuşılerınıŋ jetıstıkterıne toqtalǧan ol 2024 jylǧy jazǧy Olimpiadaǧa baruǧa 10 ümıtker bar ekenın jetkızdı. Būl – körkem gimnastikadan Sabina Bogatova, sport gimnastikasynan Dmitrii Potanin, bokstan Temırlan Mūqataev pen Oralbek Äbdıqadyrov, grek-rim küresınen Maqsat Sailau, jüzuden Ädılbek Musin, velosiped sportynan Vadim Bronskii, triatlonnan Ekaterina Şabalina, stendtık atudan Ädel Saqabaeva, sadaq atudan Aleksandra Voropaeva. Jalpy elordanyŋ balalar-jasöspırımder sport mektepterınıŋ 600-ge juyq tärbielenuşısı – Qazaqstan ūlttyq qūramasynyŋ müşesı.
Osy oraida qalalyq mäslihat deputaty Vladislav Sergeev «Qazaqstan» sport saraiy qūrylysyna 20 mlrd teŋge jūmsaǧanşa, būl qarjyny balalar sportyn damytuǧa baǧyttalǧanyn jön köretının aita kele, şaŋǧy sporty men eskek esumen ainalysatyndarǧa jaǧdai jasau kerektıgın aityp öttı.
– «Qazaqstandy» jaryqtandyru men osy nysannyŋ dybys qondyrǧysyna 6 milliard teŋge bölıp otyrmyz. Endı şaŋǧy bazasy qūrylysyna 150 million bölgenımız jön bolar. Sebebı būl sport türı boiynşa jetıstıkterımız azaiyp bara jatyr, – dedı V.Sergeev.
Dene şynyqtyru jäne sport basqarmasynyŋ basşysy Samat Jylqybaev deputat özektı mäselenı köterıp otyrǧanyn, şaŋǧy bazasy qūrylysy mäselesı 3-4 jyl kölemınde şeşılmei jatqanyn jetkızdı.
Deputat Azamat Aithojin şaŋǧy bazasy qūrylysyna jer telımı bölıngenın, ol Dene şynyqtyru jäne sport basqarmasyna bekıtılgenın anyqtaǧanyn aityp, «Jeŋıs» futbol kluby kımnıŋ ielıgınde, qūryltaişysy kım ekenın sūrady.
– «Jeŋıs» futbol kluby jekemenşık boluy kerek. Mendegı mälımet boiynşa byltyr būl klubty David Loriia qarjylandyrdy. Memleketten osy klub qarjylandyrylmaidy, – dedı S.Jylqybaev.
Azamat Aithojinnıŋ qala qarjylandyratyn futbol komandasyn qūru kerektıgı jönınde keŋesıne elordanyŋ bas sportşysy ondai «Jas sūŋqar» komandasy qūrylyp, künı keşe ǧana alǧaşqy oiynyn ötkızgenın jetkızdı.
– Būl – balalar-jasöspırımder sport mektebı tärbielenuşılerınen qūralǧan komanda, – dedı Dene şynyqtyru jäne sport basqarmasynyŋ basşysy.
Qalalyq mäslihat deputaty Batyr Kotyrev №8 balalar-jasöspırımder sport mektebınıŋ sportşylary qaida jattyǧatyndaryn sūrady. Onyŋ sözınşe, Q.Mūŋaitpasūly stadiony jaramsyz bolyp qalǧaly atalmyş sport mekteptıŋ tärbielenuşılerı är jerde daiyndalyp jür.
– Qajymūqan Mūŋaitpasūly stadiony sürılıp jatyr. Sol sebepten qazır «Avtomobilist» stadionynyŋ ekı alaŋyn jalǧa alyp otyrmyz. Balansymyzda Jirentaev köşesındegı ürlemelı kort ta bar. Balalar osy jerde jattyǧyp jür. «Aspan» sport keşenı de bar. Qazır kün jylynǧandyqtan, futbol alaŋdarynan tapşylyq joq. Al №8 balalar-jasöspırımder sport mektebınde 800 bala daiyndalady, – dedı S.Jylqybaev.
Deputat Azamat Aithojin qys mezgılınde qalada jabyq manej bolmaǧandyqtan, futboldan jattyǧular ötpeitının aita kele, Dene şynyqtyru jäne sport basqarmasynyŋ basşysyna aldaǧy biudjettı naqtylauda jabyq manejdı saluǧa qarjy sūrauǧa keŋes berdı. «Qazaqstan» sport keşenın salǧanda sonyŋ ışınde zaldardy köbeitu kerektıgın aitty.
Deputat Nūrdäulet Orazhanov «Täuelsızdık» saraiynda balalar körkem gimnastikamen ainalysatynyn, alaida onda kiım auystyratyn bölme men duştyŋ joqtyǧyn aitty. Onyŋ ärıptesı Saiat Batpenov sport mektepterı jattyqtyruşylarynyŋ jalaqasyna nazar audardy. «Aula fit» atalatyn jaqsy joba bolǧanyn aityp, būl jobanyŋ jaiyn sūrady.
– Qazır bapkerlerdıŋ jalaqysy qanşa ekenın bılmeimın. Bıraq ekı-üş jyl būryn 50 myŋ teŋge bolǧan, – dedı deputat. Oǧan Dene şynyqtyru jäne sport basqarmasynyŋ basşysy jattyqtyruşylar qazır ai saiyn 80 myŋ teŋge alatyndaryn jetkızdı. Būl jetpeitının, sondyqtan bapkerler qosymşa tabys tabuǧa mäjbür ekendıgın aitty.
– Jattyqtyruşylardy mūǧalımderge teŋestıru kerek. Äitpese 80 myŋ teŋge jalaqy tük emes. Auyldarda da osy aqşaǧa eşkım jūmys ıstegısı kelmeidı. Bız Mädeniet jäne sport ministrlıgıne bapkerlerdıŋ bazalyq stavkasyn köteru üşın ötınış jıbergenbız. Oqudy jaŋa bıtırgender de bapker bolǧysy kelmeidı. Al «Aula fit» jobasy jalǧasyp jatyr, – dedı S.Jylqybaev.
