Elorda studentterı men pedagogtary arasynda qalalyq «Ekı jūldyz» muzykalyq baiqauy öttı. Nūr-Sūltan qalasy Mädeniet jäne Bılım basqarmalarynyŋ qoldauymen ötken şarany «Astana Polytechnic» joǧary kolledjı ūiymdastyrdy.
Baiqaudyŋ negızgı maqsaty – elorda jastary arasyndaǧy daryndy oquşylardy qoldau, ruhani qūndylyq almasu. Än dodasyna joǧary oqu oryndary men tehnikalyq jäne käsıptık bılım beru ūiymdarynan 16 jūp qatysty. Qatysuşylar Balalar jylyna orai jandy dauysta taqyryptyq änderdı üş tılde şyrqady. Körermen nazaryna halyq änderı men otandyq, şeteldık avtorlardyŋ şyǧarmalarynyŋ repertuary ūsynyldy. Baiqau barysynda jūptar än aityp qana qoimai, teatrlandyrylǧan körınıs pen horeografiialyq qoiylym körsettı.
Qazylar alqasy arnaiy şaqyrylǧan bılıktılıgı joǧary, öner salasynyŋ maitalmandarynan qūralǧan. Naqtyraq aitsaq, QR Kompozitorlar odaǧynyŋ töraǧasy Serıkjan Äbdınūrov, E.Rahmadiev atyndaǧy memlekettık akademiialyq filarmoniiasy estradalyq jäne klassikalyq vokal bölımınıŋ körkemdık jetekşısı Arailym Raqymqyzy, QR «Ūlttyq ūlan» ansamblınıŋ körkemdık jetekşısı Darhan Rahymǧaliev, Beibıtşılık jäne kelısım saraiynyŋ direktory Narima Mūhambetalina jäne E.Rahmadiev atyndaǧy memlekettık akademiialyq filarmoniianyŋ änşısı, respublikalyq jäne halyqaralyq baiqau jüldegerı Aidyn Jūmabaev törelık ettı. Qazylar alqasy qatysuşylardyŋ ändı oryndau şeberlıgın, oryndalatyn ännıŋ taqyryptyq mazmūnyna säikestıgın, oryndauşylardyŋ sahnalyq mädenietın baǧalady.
Qatysuşylardyŋ ışınde «Şipager» medisinalyq kolledjı oryndaǧan «Säbi baqyty» änı keluşılerdı tolqytty. Qaztūtynuodaǧynyŋ joǧary sauda ekonomikalyq kolledjı oryndaǧan «Sen üşın» änınıŋ körkemdık siujetı körermen tarapynan ystyq yqylasqa bölendı. Ärbır student öz oqu oryndaryna belsendı janküier boldy. Än baiqauyn Astana halyqaralyq universitetınıŋ pedagogikalyq kolledjı «Qazaq elı osyndai» änımen aiaqtady. Baiqau nätijesınde I orynǧa «Astana Polytechnic» joǧary kolledjı, II orynǧa «Şipager» medisinalyq kolledjı, III orynǧa Astana halyqaralyq universitetınıŋ pedagogikalyq kolledjı ie boldy. Jeŋımpazdarǧa qarjylai syilyq tabys etıldı. Atap aitqanda, I orynǧa 150 myŋ teŋge, II orynǧa 100 myŋ teŋge, III orynǧa 70 myŋ teŋge berıldı.
Baian Asylbekova
