Balalarmen bırge än saldy
![](https://astana-akshamy.kz/wp-content/uploads/2022/03/277460189_112570718064167_150384285036497181_n.jpg)
E.Rahmadiev atyndaǧy Memlekettık akademiialyq filarmoniia ärtısterı «Baqytty şaŋyraq» qorynda qaiyrymdylyq konsertın berdı.
Atalmyş qor mümkındıgı şekteulı balalardy tärbielep otyrǧan otbasylarǧa qarjylyq, moraldyq, psihologiialyq jäne käsıbi kömek körsetedı. Qor elordadaǧy 500-ge juyq otbasyny qamtidy. Onyŋ jūmysynyŋ bır baǧyty – balalar men olardyŋ otbasyna qoǧammen erkın aralasyp, onyŋ bır müşesıne ainaluǧa järdemdesu. Şyǧarmaşylyq eŋbektıŋ, önerdıŋ de rölı öte zor. Şyǧarmaşylyq arqyly balalar özın qoǧamnyŋ bır müşesı ekenın sezınedı.
«Saryarqa» folklorlyq ansamblı men filarmoniia solisterı Säulejan Taǧziia, Aibala Beisenova, Parasat Otan repertuaryndaǧy üzdık şyǧarmalardy oryndasa, qordyŋ balalary än salyp, bi bilep, öleŋ oqydy.
Qoǧamdyq qor töraiymy Botagöz Sūltanova filarmoniia ūjymyna ünemı qoldau körsetetını üşın alǧys hat tapsyrdy.
Baian Asylbekova