Astanada «Balalar älemdı beineleidı. Ortalyq Aziia 2013-2014» atty IýNESKO-nyŋ halyqaralyq festivalı öttı. Oǧan Qazaqstan, Qyrǧyz Respublikasy, Täjıkstan, Türkımenstan jäne Özbekstan syndy elderdıŋ jas suretşılerı qatysty.
Bırneşe künge sozylǧan festival barysynda türlı treningter, şeberlık sabaqtary ötkızılıp, jas daryndar beineleu önerınıŋ has şeberlerınen därıster aldy. Mädeniet jäne sport qairatkerlerınıŋ qyzyqty äŋgımelerın tyŋdap, jetıstıkke jetudıŋ formulasyn anyqtaǧandai boldy. Elordanyŋ körıktı jerlerın aralady.
Sonyŋ ışınde sol jaǧalauda jaŋadan boi kötergen Nazarbaev Ortalyǧynda bolyp, teŋdessız ǧimarattyŋ ışkı-syrtqy körınısıne tamsandy. Osy jerde festivaldıŋ jabylu räsımı ötıp, qatysuşylardyŋ şyǧarmaşylyǧy jaily nebır jyly sözder aityldy. Üzdık jūmys ielerı marapattaldy. Marapattalǧandardyŋ eŋ kışkentaiy 3 jasta bolsa, ülkenı – 17 jasta. Olarǧa syilyqtarmen bırge, «Balalar älemdı beineleidı» seriiasymen şyqqan albom tabystaldy.
IýNESKO bas direktorynyŋ bastamasymen būl seriiadaǧy albomder 1999 jyly alǧaş ret jaryq kördı. Oǧan elımızdegı jas suretşılerdıŋ jūmystary da endı. Osy uaqyttan bastap Qazaqstanda önerlı balalardy bırıktıretın IýNESKO klubtary da paida bolyp, qazırgı taŋda olardyŋ sany otyz bırge jettı. Festivalge sol klubtardyŋ müşelerı jäne Orta Aziiadan kelgen jas suretşıler, barlyǧy150 adam qatysty.
SÜBELISÖZ
Serık SÄPİEV, Olimpiada chempiony, IýNESKO elşısı:
– Osyndai şaralar memleketterdıŋ qarym-qatynasynyŋ damuyna mol üles qosyp, älemdegı beibıtşılıktı nyǧaitady. Qatysuşylar arqyly türlı el jaily bılgennıŋ üstıne bıle tüsuıne jaǧdai tudyrady. Äsırese, balalar üşın mol paida äkeledı.
Öz basyma kelsem, ūiymdastyruşylardyŋ balalarmen kezdesu ūsynysyna bırden kelıstım. Riiasyz äŋgıme barysynda olardyŋ kırşıksız köŋılderıne täntı boldym. Sūraq-jauap türınde ötken kezdesuımızde jetıstıkke qalai jetkenım jaily aityp berdım.
Qonaqtardyŋ bırneşeuın äŋgımege tarttyq. Aşhabad qalasyndaǧy B.Nūräli atyndaǧy Balalar körkemsuret mektebınıŋ şäkırtı Aişa Seiıtova «Öz elımnen jyraqqa bırınşı ret şyǧyp, önerge qyzyǧatyn özım siiaqty özge elderdıŋ balalarymen kezdesıp, quanyşty jaǧdaidy bastan keşıp otyrmyn. Maǧan festival aiasynda ötken şaralar öte ūnady. Qazaqstannyŋ astanasyn da aralap, mol äser aldym. Elıme qaityp barǧan soŋ, Qazaqstanda bızdı qalai qarsy alǧandyǧy jönınde dostaryma aityp beruge asyǧudamyn» dese, Duşanbeden kelgen Firuz Mirzohaetov: «Nazarbaev Ortalyǧyn aralatqandary üşın ūiymdastyruşylarǧa alǧysymdy bıldıremın. Mūnda közdı ala almaityn sūlulyqqa tap boldym. Ötkızılgen şeberlık sabaqtary da maǧan öte ūnady» deidı.
Amanǧali ŞMİTŪLY
