BALTYQ JAǦALAUYMEN BAILANYSYMYZ BERIK
«Ädılbek Jaqsybekov Litva jäne Latviia respublikalaryna resmi saparmen bardy» dep habarlaidy qala äkımınıŋ baspasöz qyzmetı.
Elorda basşysy Vilniustıŋ merı Remigiius Şimaşiuspen kezdesıp, ekı jaqty yntymaqtastyqtyŋ maŋyzdy mäselelerın talqylady.
«Astana men Vilnius merlerınıŋ arasynda tyǧyz qarym-qatynas būrynnan bar, ekı qala arasyndaǧy yntymaqtastyqty odan ärı nyǧaituǧa müddelımız» dedı elorda äkımı.
Ä. Jaqsybekov Qazaqstan astanasy üşın täjıribesı qyzyqty bolatyn Litvanyŋ keibır biznes jobalarymen tanysty. Äkımnıŋ sözınşe, bügıngı taŋda Astana qalasyndaǧy zärı mäselelerdıŋ bırı – avtotūraqty ūiymdastyru.
Vilnius qalasynyŋ merı Milandaǧy qazaqstandyq «EKSPO» pavilonynyŋ tanymaldyǧyn erekşe atap ötıp, turizm salasy boiynşa yntymaqtastyqty damytu mäselelerıne toqtaldy. Al, Ä. Jaqsybekov alda ötetın halyqaralyq «EKSPO – 2017» mamandandyrylǧan körmesı aiasynda Astanada jürgızılıp jatqan ırı qūrylys jobalary men daiyndyq barysy turaly baiandap, Vilnius äkımşılıgınıŋ osy şaraǧa aqparattyq qoldau jasaitynyna senım bıldırdı. Sonymen qatar, Astana qalasyndaǧy Vilnius mädeniet künderın ötkızu jäne körme ötetın uaqytta arnauly charterlık reister ūiymdastyru jönınde ūsynys jasady. R. Şimaşius Astana-Vilnius arasyndaǧy tūraqty äue baǧytyn aşu jaiynda söz qozǧady.
Litvalyq ärıptester Qazaqstan delegasiiasy tanystyrǧan investisiialyq jobalar men jas astananyŋ şeteldık investorlarǧa beretın mol mümkındıkterıne erekşe nazar audardy. Ä. Jaqsybekov Vilnius biznes qoǧamy ökılderın elordanyŋ investisiialyq äleuetımen tolyqqandy tanysu üşın 28-30 qazanda Täuelsızdık saraiynda ötetın VI halyqaralyq «Astana Invest – 2015» investisiialyq forumyna qatysuǧa şaqyrdy.
Sondai-aq, kezdesude qala qūrylysy jainynda äŋgıme örbıdı. Elorda äkımı Qazaqstan astanasy qūrylysynyŋ negızgı bölıkterıne toqtala kelıp, onyŋ el ekonomikasy üşın maŋyzdylyǧyn aitty.
«Qūrylymdyq yntymaqtastyq bızdıŋ azamattarymyz üşın ekı el arasyndaǧy mädeniet pen önerdı jaqyn tanuǧa septıgın tigızetınıne senımım mol. İkemdı äreket etsek, būl öz kezegınde ekı astananyŋ ekonomikasyn damytuǧa qozǧauşy küş bola alady» dedı ol.
Qala basşylary Astana men Vilnius arasynda 2000 jyly bekıtılgen Sauda-ekonomikalyq, ǧylymi-tehnikalyq jäne mädeni bailanystar kelısımı negızınde ortaq jobalardy odan ärı damytuǧa kelıstı.
Astana qalasy äkımınıŋ Litva premer-ministrı Algirdas Butkiavichiuspen kezdesuınde sauda-ekonomikalyq qarym-qatynas, ǧylymi-tehnikalyq jäne mädeni bailanys salalary boiynşa negızgı serıktestık baǧyttary talqylandy. Aimaqaralyq deŋgeide ekı jaqty qarym-qatynastyŋ özektı mäselelerı köterıldı, sonymen qatar, halyqaralyq «EKSPO-2017» körmesıne daiyndyq jūmystary turaly da aityldy.
Litva ükımetınıŋ basşysy Astana men Vilnius arasyndaǧy qarqyndy damyp kele jatqan serıktestıkke nazar audaryp, onyŋ odan ary nyǧaia tüsetınıne senım bıldırdı.
Al, Latviia Respublikasyna resmi saparyn keşe Astana äkımı Riga qalasynyŋ merı Nil Uşakovpen kezdesuden bastady. Bügın Latviianyŋ premer-ministrı Laimdota Stauiumamen didarlasady.