Mūǧalımder künıne orai elordadaǧy №78 mektep-gimnaziiasynyŋ oquşylary «Qūrmet belgısı» ordenı jäne Y. Altynsarin tösbelgısınıŋ iegerı, QR Bılım beru ısınıŋ qūrmettı qyzmetkerı, QR Mädeniet qairatkerı Ospan Süleimenūlymen kezdestı.
«Baqytqa jet, jas ūrpaq» taqyrybyndaǧy taǧylymdy keşte öner salasynda 50 jyl ūstazdyq etken Ospan Süleimenūly balalarǧa önege bolarlyq äŋgımeler aitty. Aqyn, sazger, küişı sekıldı jetı türlı önerdı boiyna sıŋırgen segız qyrly, bır syrly mūǧalım özınıŋ ömırlık jetıstıkterın ülkender tärbiesımen, jaqsy ortamen bailanystyrady.
– Egemendıgımızdıŋ arqasynda Astana törınde qasiettı bılım ordasynda därıs alyp jatqan sızder öte baqyttysyzdar. Aldaryŋyzda neşe türlı jaŋa tehnologiialar bar. Al bızdıŋ zamanda olardyŋ eşbırı bolmaǧan. Maişamdy jaǧyp qoiyp kıtap oqitynbyz. Ony sızder bılmeisızder, bılmei-aq ta qoiyŋyzdar. Qazır jaryq ta bar, türlı kıtap ta bar, – deidı ūstaz.
«Atalarǧa jiı erıp jürıŋızder, ülkenderdıŋ ortasynan qalmaŋyzdar. Sol kısılerdıŋ äŋgımelerın yqylaspen tyŋdaŋyzdar» degen aqylyn aitty.
Şäkırtter mektepke kelgen qūrmettı qonaqqa özderın qyzyqtyrǧan sūraqtaryn qoiyp, köptı körgen ūstazdyŋ bala kezı men jastyq şaǧy turaly estelıkterdı tyŋdady.
Ūstaz oquşylar aldynda jetıstıkterımen maqtanudy jön körmedı. Kezdesu baǧdarlamasyn olarmen tıldesuge, arman-maqsattaryn bıluge baǧyttady. Jas jetkınşekterdıŋ önerın de tamaşalap, «Örkenıŋ össın», «Önerıŋ örge jüzsın» dep batasyn berdı.
Özı de jas şaǧynda Nūrǧisa Tılendievtıŋ därısterın tyŋdap, aq batasyn alǧan eken. Ataqty küişı kompozitordyŋ aldynda oryndaǧan, sözı men änın özı şyǧarǧan «Ata ösiet» atty jyryn dombyraǧa qosyp aityp berdı. Būl öleŋnıŋ «Atamnyŋ ūmytpaimyn aitqan sözın» degen joldary köpşılıkke tereŋ oi saldy degen ümıttemız.
Mädina JAQYP
