Astana äkımı Jeŋıs Qasymbek erekşe qajettılıgı bar jandarmen kezdestı. Onda oŋaltu ortalyqtarynyŋ jelısın keŋeitu, medisinalyq kömek körsetu, qalalyq orta men qoǧamdyq kölıktıŋ qoljetımdılıgı, invataksi qyzmetterımen qamtamasyz etu, mügedekter arbasyn satyp alu jäne taǧy basqa mäseleler talqylandy. Būl turaly qala basşysy äleumettık jelıdegı paraqşasynda jazdy.
«Qala tūrǧyndardyŋ ömır süruı üşın qolaily boluy kerek. Bız osy maqsatta erekşe qajettılıgı bar jandarǧa jaǧdai jasau üşın jūmys ıstep jatyrmyz. Būl baǧytta atqaratyn jūmystarymyz köp. Kezdesude oŋaltu ortalyqtarynyŋ jelısın keŋeitu, medisinalyq kömek körsetu, qalalyq orta men qoǧamdyq kölıktıŋ qoljetımdılıgı, invataksi qyzmetterımen qamtamasyz etu, mügedekter arbasyn satyp alu siiaqty özektı mäselelerdı talqyladyq» dep jazdy qala äkımı.
Jeŋıs Qasymbek medisinalyq ūiymdar men invataksi sanynyŋ artuy – būl jüielı mäselelerdıŋ bırı ekenıne toqtaldy. «Mäselen, jaŋa tūrǧyn üi keşenderınıŋ bırınşı qabatynda äleumettık nysandar (onyŋ ışınde oŋaltu ortalyqtary da bar) aşamyz. Sondai-aq biyl invataksi sanyn 2 ese arttyrdyq. Degenmen būl da jetkılıksız. Sol sebeptı erekşe qajettılıgı bar qala tūrǧyndarymen jäne qoǧamdyq ūiymdardyŋ ökılderımen bırlesıp, mügedektıgı bar adamdarǧa jaǧdai jasau üşın bar küşımızdı salamyz. Kezdesu barysynda köterılgen mäselelerdı şeşu jūmysy qolǧa alyndy» dedı qala basşysy.
