Bas qala basylymyna – «Nūr sūŋqar»
Täuelsızdıktıŋ eleŋ-alaŋynda aqparat aidynyna qanat qaǧyp, el jüregı – elorda şejıresıne ainalǧan «Astana aqshamy» gazetı «Nūr Otan» partiiasynyŋ Bailanys jäne aqparat qyzmetkerlerı künıne orai taǧaiyndaǧan «Nūr sūŋqar-2018» syilyǧyn ielendı. Basylym «Astanaǧa 20 jyl» atalymynda top jardy.
«Osy jyldyŋ basynan berı basylym Astananyŋ 20 jyldyǧyna arnap bırneşe aidar aşty. Sonyŋ ışınde elordanyŋ damuyna üles qosqan tūlǧalarmen sūhbattar, «20 ǧajaiyp ǧimarat» aidarlary bar. 1998 jyldan osy künge deiın bas şahar şejıresın jariialadyq. Būl jūmys älı de jalǧasady. Aldymyzda taǧy jarqyn jobalar bolady» dedı «Elorda Aqparat» JŞS direktory Qaisar Jūmabaiūly syilyqty Astana äkımınıŋ būrynǧy orynbasary, belgılı kompozitor, elorda mädenietınıŋ damuyna eren eŋbek sıŋırgen Tölegen Mūhamedjanovtyŋ qolynan ala tūryp.
Jalpy, biylǧy baiqau komissiiasy jeŋımpazdardy 10 atalym boiynşa anyqtady. Osy joly 800-den astam jūmys kelıp tüstı. Osyny atap ötken «Nūr Otan» partiiasy töraǧasynyŋ bırınşı orynbasary Mäulen Äşımbaev jurnalisterdı käsıbi merekemen qūttyqtady.