BAS QALADA 11 KÖŞE SALYNDY

Ädettegıdei särsenbınıŋ sätınde «Elorda aqparat» media resursy men «Astana» radiosynyŋ bırlesken «Qala tynysy» jobasynyŋ kezektı baǧdarlamasy tıkelei efirge jol tartty. Joba avtory ärı jürgızuşı Qaisar Jūmabaiūly baǧdarlamaǧa qonaq retınde qalalyq Kölık joldary basqarmasynyŋ basşysy Ashat Qaraǧoişindı şaqyrdy.

Biyl bas şaharda ūzyndyǧy 23,4 şaqyrymdy qūraityn, qūramynda
87,5 km injenerlık je­lılerı bar 11 köşe salyn­dy. Būl jaqsy jaŋalyq­ty habar barysynda bas­qarma basşysy Ashat Qa­raǧoişin tyŋdarmandarǧa jetkızdı.
Däl osy jyly qala aumaǧynda kölık joldaryn jöndeu barysynda bırqatar jobalar jüzege asqan. Äsırese, şahardyŋ Q.Amanjolov köşesınen bastap «Nūrly jol» (A62 köşesı) temırjol vokzalyna deiıngı A.Baitūrsynov köşesı boiynşa, Q.Amanjolov köşesınen bastap jaŋa «Nūrly jol» (A62 köşesı) temırjol vokzalyna deiın, J.Näjımedenov köşesı men «Nūrly jol» temırjol vokzaly aumaǧyndaǧy A62 köşesınde jäne Qabanbai batyr daŋǧylynan Mäŋgılık el daŋǧylyna deiıngı uchas­kede jäne Orynbor köşesınen Kerei-Jänıbek handarǧa deiıngı bıraz köşelerde jöndeu jūmys­tary jürgızıldı. Qabanbai batyr daŋǧylynan bastap, «Nūra-Esıl» arnasyna deiıngı uchaskedegı №31 kö­şesıne ötpe jol aşyldy. Osyndai ötpe joldar
№ 31 köşesınen bastap
Ört söndıru deposyna de­iıngı № 357, 496, 498 kö­şelerıne de salyndy. So­nymen qatar, Mäŋgılık El daŋǧyly men №31 köşesı qiylysyndaǧy aumaqta 1500 kölık koiuǧa arnalǧan audany 35 000 şarşy metrdı qūraityn avtotūraqtyŋ qūrylysy aiaqtaldy.
«Biyl 64,8 şaqyrymdy qūraǧan 105 köşege aǧymdyq jöndeu jürgızılse,
33,1 km sozylǧan 34 köşege ortaşa jöndeu jūmystary atqaryldy. «Jūmyspen qamtu 2020 jol kartasy» baǧdarlamasy şeŋberınde 9,75 şaqyrymǧa sozyl­ǧan 14 köşe joly men «Skripton» tehnologiiasyn qoldanu arqyly ūzyndyǧy 20,9 şarşy metr bolatyn 54 köşe jöndeldı» dedı
Ashat Qaraǧoişin.
Sondai-aq, basqarma basşysy qaladaǧy 2008 jyldan berı 35 şa­qyrymǧa jobalanǧan ainalma joldyŋ 28 km salynǧanyn aitty. Qazan aiynyŋ soŋyna deiın Tūran daŋǧylynan
Ş.Beisekova köşesıne deiıngı uchaskedegı Saraişyq köşesınde ötpe jol aşylady. Būl Saraişyq­tan bastap, Kenesary han men Tūran daŋǧylyna deiıngı kölık qozǧalysyn jeŋıldetpek. Sonymen bır­ge Abylai han daŋǧyly jäne R.Qoşqarbaev köşesı qiylysyndaǧy kölık jol aiyrǧysynyŋ qū­ry­lysy aiaqtalady. Qazırgı künde şaharda 17 köşenıŋ joly men äleu­mettık nysandardyŋ qūrylysyna qatysty jūmystar jalǧasuda.
Biyl Täuelsızdık daŋǧy­lynan bastap Ş.Qaldaia­­-
qov köşesıne deiıngı uchas­­-
kedegı Ūly Dala daŋ­ǧy­lynyŋ qūrylysy jürse, aldaǧy jyly №46 kö­şe­sınen bastap №31 köşesıne deiıngı uchaskedegı Täuelsızdık daŋǧylynyŋ qūrylysy bastalady. Būl 10 000 avtokölıkke jaŋa äkımşılık ortalyqtan emes, Mäŋgılık El daŋǧyly bo­iymen qalanyŋ oŋtüstık-şyǧys bölıgıne baruǧa mümkındık beredı.
Ashat Qaraǧoişin öz sözınde şet aimaqtardyŋ jol mäselesıne de toqtaldy. Biyl qalanyŋ şet jaǧyndaǧy eldımekenderdıŋ 55 köşesıne asfalt töselgen.
Qaladaǧy kölık kepte­lısın bäseŋdetu üşın osy jyly jürgızuşılerge oŋǧa būrylatyn 8 qiylys ornatylǧan. Aldaǧy jyly būl jūmys jalǧasady. 2019 jyly osyndai 20 qiylys­ty qosu josparlanyp otyr.

Azamat EsenJOL