Astana – armanǧa jetelegen baiqauǧa bai qala. «Jas qanat» respublikalyq baiqauy talailardy qanattandyrdy, halyqaralyq «Şabyt» festivalı önerpazdar şabytyn şaryqtatty. «Astana Piano Passion», «Aialaǧan Astana», «Dala dauysy»… qaisybırın aitamyz. Ärqaisysynyŋ öz orny bar, ärqaisysy bır töbe. Bız elordalyq konkurstardyŋ qatysuşylaryna «Baiqau ömırıŋızge özgerıs äkelıp, öner älemıne joldama bola aldy ma?» degen ortaq saualdy qoiǧan edık.
Marjan ARAPBAEVA, «Jas qanat-2002» baiqauynyŋ diplomanty, änşı:
«JAS QANAT» MAǦAN ÖNER ESIGIN AŞTY
– Bala kezımnen muzykaǧa ǧaşyq edım. Taŋnan keşke deiın än salatynmyn. «Aiqailai bermeşı, basty auyrtyp jıberdıŋ!» degen körşı üidıŋ ūldarynan basqa änıme eşkım asa nazar audara bermeitın (külıp eske aldy). On bırınşı synyptan keiın mamandyq taŋdau kerek. Al, menı tek än qyzyqtyrady. Konservatoriiaǧa tüseiın desem, muzykalyq mektepte ne kolledje oqymaǧanmyn. Bır künı Qazaq memlekettık qyzdar pedagogikalyq institutynda muzyka-pedagogikalyq fakultet baryn estıp, bırden Almatyǧa jol tarttym. Keiınnen oquşylarǧa än-küiden sabaq berdım, dombyra men vokal üiırmelerınıŋ jetekşısı boldym. Balalarmen jūmys ısteu öte ūnaityn, bıraq mūǧalımdık menıŋ qolym emestıgın ışım sezetın. Bırdeŋe jetpei tūratyn. Jüregım ändı aŋsaityn. Söitıp jürgenımde, oida joqta meiramhanada än aituǧa şaqyrdy. Kelıstım. Sol sätten dauysymdy estradaǧa jetıldıre bastadym. Halyq änderı, pop-muzyka, djaz… Bır sözben aitqanda, repertuarym jan-jaqty edı. Onymen de toqtamadym. Eşkımge ūqsamaityn, öz änımdı oryndaǧym keldı. İtaliia änşısı Laura Pauzinidıŋ änın orysşaǧa audaryp, oranjirovka jasaityn adamdy ızdedım. Tanystarym maǧan Qairat Jänıbekovke jolyǧuǧa keŋes berdı. Dauysymdy estıgen soŋ: «Ülken sahnaǧa şyqqyŋ kele me? Mysaly, men senı «Jas qanat» baiqauyna ūsynar edım. Būǧan qalai qaraisyŋ?» dep sūrady. Būl sözder menı bırden elıktırdı. Köŋılımde ümıt säulesı jarq ete qaldy. Bıraq, ondai baiqauǧa qatysu üşın qomaqty qarjy kerek bolar dep oiladym da, «Joq. Būl menıŋ jolym emes» dep qysqa qaiyrdym. Älgı äŋgımeden soŋ, bıraz uaqyt öttı. Ūmytyp ta kettım. Bır künı Qairat telefonmen habarlasyp, «Jas qanattyŋ» qatysuşysy boluyŋmen qūttyqtaimyn!» dedı. Studiiada jazylǧan ändı rejisser Aleksandr Ponomarevqa tyŋdatqan eken. Ol kısı menı konkursqa qosypty. Osylaişa men «Jas qanatta» än salyp, öner adamdarynyŋ közıne tüstım. Diplomant atandym. Jeŋımpazdar arasynan menı baiqaǧan qazylar alqasy «Aziia dauysy» festivalıne şaqyrdy. Şanhaida ötken halyqaralyq än baiqauynan jüldelı üşınşı orynmen oraldym. «Slavian bazary» baiqauynda ekınşı orynǧa ie boldym. Elge «konkurstyq änşı» degen atpen tanyla bastadym. Oilap otyrsam, menıŋ baǧymdy aşqan – «Jas qanat». Sol arqyly aldymnan öner esıgı aşylyp, ülken sahnaǧa aiaq bastym.
Qalqaman SARİN, halyqaralyq «Şabyt» festivalınıŋ laureaty, aqyn:
MEN ÜŞIN «ŞABYT» – POEZİIа MEREKESI
– «Şabyt» özıme önerlı jastardyŋ bas qosatyn poeziia merekesındei körınedı. Küz kelse, sonda asyǧamyz. Etene aralasyp, şyǧarmaşylyq tūrǧyda tabysamyz. Ol – Astanamen bırge ösıp kele jatqan bäiterek siiaqty. Mūnda sezıletın ädebi orta şabyttandyrady, serpın beredı, alǧa jeteleidı, ruhani baiytady.
2008 jyly qatysyp, laureat boldym. Men qatysqan jyly qazylar alqasynyŋ töraiymy Fariza Oŋǧarsynova apamyz bolǧan edı. Keş soŋynda onyŋ «Jyl saiyn üzdıkterdı anyqtaimyz. Bıraq, keiınnen olardy tappai qalamyz» degen sözı qaisymyzǧa bolsa da qamşydai tigenı ras… Ömırbaianyŋa «Şabyt» festivalınıŋ laureaty» ne bolmasa «jeŋımpazy» degen bır tırkes jalǧanady endı, bıraq aqyndarǧa «O, būl «Şabyttyŋ» jüldegerı ǧoi!» degızerlıktei qūdıretı bar dep aita almaimyn.
Nebır festival, müşäiralardyŋ jeŋımpazymyn dep keude soǧyp, özıŋdı aqynmyn deu – qatelık. Aqynnyŋ aqyndyǧyn halyq moiyndaidy, baǧasyn da halyq beredı.
Bolat BATYRBAEV, «Aialaǧan Astana» respublikalyq balalar baiqauynyŋ byltyrǧy jeŋımpazy:
«AIаLAǦAN ASTANA» MAMANDYQ TAŊDAUYMA KÖMEKTESTI
– Änge degen qyzyǧuşylyǧym jetı jasymda oiandy. Äkem menı Kökşetau balalar şyǧarmaşylyǧy üiındegı vokal üiırmesıne jazdyrdy. «Aigölek», «Aq kögerşın» siiaqty köptegen än baiqaularyna qatysyp, jüldelı oryndardan körındım. Sankt-Peterburgte ötken «Bolaşaq ǧalamşar» baiqauynda üşınşı orynǧa ie bolsam, Novosıbırdegı Delfiilık oiyndardan altyn medal äkeldım. Byltyr jetekşım «Aialaǧan Astana» jobasy bastalǧaly jatqanyn, onyŋ jeŋımpazy Artektegı «Jaŋa tolqyn-2013» balalar baiqauynda el namysyn qorǧaityndyǧyn aitty. Irıkteuge quana-quana qatystym. «Iаpyr-ai» men «Iаmaika» änderın oryndap, 200-ge juyq balanyŋ ışınen jartylai finalǧa şyqtym, ary qarai final… Bır jyl ötse de, sol kezde alǧan äserım älı esımde. Boiymda qobalju, tıkelei efirdegı körsetılım, önerımızdı baǧalap otyrǧan tanymal aǧa – äpkeler. Oǧan qosa, orkestrdıŋ süiemeldeuımen jandy dauysta än oryndaisyŋ. Sahnada bır özıŋ emes, käsıbi muzykanttarmen bırge öner körsetu ǧajap eken ärı ülken jauapkerşılık jükteidı. Eŋ bastysy, būl baiqau maǧan mamandyq taŋdauyma kömektestı. Bolaşaqta Astanadaǧy Qazaq ūlttyq öner universitetıne oquǧa tüsıp, öner jolyn qusam degen armanym bar.
Daiyndaǧan: Mädina JAQYP
