Nūr-Sūltan qalasynda «Bırge jasyl Qazaqstan» şarasy aiasynda kögaldandyruǧa arnalǧan senbılık ūiymdastyryldy.
Senbılıkke şyqqan elordalyq tūrǧyndar arasynda Memleket basşysy Qasym-Jomart Toqaev boldy. Prezident Botanikalyq baqta aǧaş otyrǧyzyp, senbılıkke qatysuşylarmen sūhbattasty.
Jappai aǧaş otyrǧyzu şarasyna Premer-ministr Asqar Mamin, Ükımet müşelerı, deputattar, Nūr-Sūltan qalasynyŋ äkımı Altai Kölgınov, sportşylar jäne oquşylar qatysty.
Kögaldandyruǧa arnalǧan senbılık barysynda Botanikalyq baqta 300 köşet otyrǧyzyldy. Al jalpy elorda köşelerı men saiabaqtarynda 5 myŋǧa juyq aǧaş egıldı. Biyl küzde «Ekologiialyq saǧat» şarasynyŋ şeŋberınde elımız boiynşa qosymşa 1 millionǧa juyq köşet egıletın bolady.
