Almaty qalasynda Ömırbek Joldasbekov atyndaǧy matematika jäne mehanikadan zertteu jūmystarynyŋ VI halyqaralyq baiqauy öz märesıne jettı. Tartysty bäsekede elordalyq oquşylar joǧary nätije körsetıp, jüldelı oryndardy enşıledı.
Bılım dodasynda Astanadaǧy «Kögıldır jelken» qazaq-türık liseiınen, «Miras» halyqaralyq mektebınen jäne №66, №17, №75, №51, №4 mektepterden 22 şäkırt baq synady. Mūnyŋ aldynda talantty ūl-qyzdar jarystyŋ ırıkteu kezeŋınen sürınbei ötken-dı. Ǧylymi jobalaryn baryn sala qorǧaǧan ūlandar qazylar alqasynyŋ köŋılınen şyǧyp, biık tūǧyrdan körındı. Atap aitqanda, astanalyq 5 oquşy – bırınşı, 8 oquşy – ekınşı jäne 5 oquşy – üşınşı oryndy qanjyǧaǧa bailady.
– Dästürlı turnirdıŋ basty mındetı – jastardyŋ matematika ǧylymyna degen qyzyǧuşylyǧyn arttyryp, jaŋa jetıstıkterge baǧyttau. Biylǧy saiys halyqaralyq deŋgeide ūiymdastyryldy. Oǧan Qazaqstannyŋ 16 öŋırı jäne Äzerbaijan men Qyrǧyzstan elderınen kelgen joǧary synyp şäkırtterı qatysty. Bäigenıŋ qanşalyqty qiyn bolǧany osydan-aq aŋǧarylady. Äitkenmen, bızdıŋ qabılettı balalarymyz bılımderın däleldep, artylǧan ümıttıŋ üdesınen şyqty, – deidı «Astana daryny» respublikalyq ǧylymi-praktikalyq ortalyǧynyŋ ädıskerı Räş Ermaǧanbetova.
Materialdy “Astana aqşamy” gazetınıŋ astana-akshamy.kz resmi saityna sılteme jasaǧanda ǧana paidalanuǧa rūqsat etıledı.
