Qalyptasqan dästürge sai qystyŋ alǧaşqy künı elordada bas şyrşanyŋ şamdary jaǧyldy. Şyrşany jaǧu saltanatyna Memleket basşysy Nūrsūltan Nazarbaev qatysyp, barşa jūrtty kele jatqan Jaŋa jyl merekesımen qūttyqtady.
– Jaŋa jyl – barlyǧymyz, äsırese, öskeleŋ ūrpaq asyǧa kütetın airyqşa mereke. Barşamyz da Jaŋa jyldan ülken ümıt kütıp, türlı jospar qūramyz. Sol tılegımızdıŋ barlyǧy oryndalsyn dep tıleimız. Bızdıŋ Qazaqstanymyzdyŋ maqsaty – Mäŋgılık el atanyp, älemnıŋ damyǧan 30 elınıŋ qataryna qosylu. Bız elımızdı damytyp, onyŋ halyqaralyq arenadaǧy bedelın köteruge ūmtyluymyz kerek. Aǧa buyn naq sol üşın jäne Qazaqstan jastarynyŋ igılıgı üşın jūmyla eŋbek etude. Bız tuǧan eldı, onyŋ astanasyn, taulary men sai-salasyn, ormany men dalasyn, özenderı men kölderın süiemız. Osynyŋ bärı – bızdıŋ Otanymyz, – degen Qazaqstan Prezidentı jinalǧan qauymǧa zor densaulyq, oqu men eŋbekte tabys, igılık pen baq-bereke tıledı.
Biıktıgı 25 metr bolatyn bas şyrşa biyl «Han Şatyr» sauda-oiyn-sauyq ortalyǧy janyndaǧy mūz qalaşyǧynyŋ at şaptyrym aumaǧynda ornatyldy. Sonymen qatar, Astananyŋ är jerınde qyryq şyrşanyŋ şamy jaǧyldy. Al, «Han Şatyr» maŋaiyndaǧy merekelık dumanǧa 2000-nan asa mektep oquşysy qatysty. Olardyŋ köŋılıŋ qalanyŋ belgılı şyǧarmaşylyq ūjymdary köterdı. Alyp quyrşaqtar, barabandy şou, aqqalalar orkestrı jäne Jaŋa jyldyŋ basty keiıpkerlerı Aiaz ata men Aqşaqar baldyrǧandardy ertegı älemıne jeteledı.
Osymen qys qyzyqtary tämamdalmaq emes. Elordalyqtar jäne qala qonaqtary üşın osy mausymda ötkızıletın şaralar sany jetkılıktı. Demalys künderı mūz qalaşyqtarda konsertter, sporttyq jarystar, mänerlep syrǧanaudan şeberlık sabaqtary, fleşmobtar, järmeŋkeler men özge de qyzyqty şaralar ötedı.
Juyq arada osyndai mūz qalaşyqtar Esıl özenı üstınde, «Otan-Ana» monumentınıŋ maŋaiynda jäne qalalyq äkımdık aldyndaǧy alaŋda da aşylady.
Amanǧali QALJANOV
