«Astana Bas jospary» mekemesınde qala äkımı Jeŋıs Qasymbektıŋ basşylyǧymen «Menin Elim Dala» bastamaşyl toptarynyŋ qatysuymen naqty qūrylys mäselesı boiynşa keŋes öttı. Jiynda äleumettık nysandardyŋ paidasyna orai TK qūrylysyn joiu, üilerdıŋ qabatyn azaitu, Taldyköl boiynşa jäne t. b. mäseleler köterıldı.
Qalada naqty qūrylystyŋ 18 negızgı problemaly obektısı bar. 13 nysan boiynşa mäseleler tūrǧyndardyŋ tılegı men ötınışınıŋ paidasyna şeşıledı, iaǧni tūrǧyn üi keşenı maŋynda mektepter, medisinalyq ortalyqtar, balabaqşalar, qoǧamdyq keŋıstıkter bolady. Qalǧan 5 nysan boiynşa sot jäne kelıssözder prosesı jürıp jatyr.
Mysaly, A.Baitūrsynov köşesı, 7 («Haivil» TK) mekenjaiynda, jer uchaskesınde būryn aitylǧandai, köppäterlı tūrǧyn üi keşenınıŋ ornyna mektep salynady. Sondai-aq, R.Qoşqarbaev daŋǧyly men Aqyrtas köşesı maŋynda, iaǧni «Haivil» tūrǧyn üi keşenıne qarama-qarsy oquşy oryndarynyŋ tapşylyǧyn azaitu maqsatynda taǧy bır jalpy bılım beretın mektep salynady.
K.Kümısbekov köşesı, 9/2 üiınıŋ janynda 21 qabatty TK jäne parkingtıŋ ornyna gülzar salynady.
«Sport Towers» TK tūrǧyndarynyŋ ötınışı boiynşa ekı mektep salynady (Alpamys TK men Alau TK arasynda jäne Barys Arena mūz aidynyna oŋtüstık baǧytta).
Kezdesu qorytyndysy boiynşa bırqatar tapsyrma berıldı, onyŋ ışınde qūjattardy normalarǧa säikes keltıru, «Menin Elim Dala» QB jauaptaryn ūsynu jäne t. b.
