9 qazan – Düniejüzılık poşta künı. Osyndai aituly merekede «Qazpoşta» AQ-tyŋ «Astana pochtamt» filialy qala tūrǧyndaryna arnap merzımdı baspasözge jazylu künın ötkızdı.
Taŋǧy toǧyzda bastalǧan igı şaraǧa kelgen adamdardyŋ qarasy onşa köp bolmady. Köbısı – orta jastan asqan kısıler. Olar özderı qalaǧan basylymǧa jazylyp jatty. Bız şara barysynda şahardyŋ baiyrǧy tūrǧyny Arystan Mūratūly degen qariiamen jolyǧyp, sözge tarttyq. Gazettı ızdep jürıp oqityn oqyrman eken. Taŋǧy toǧyzda bastalǧan igı şaraǧa kelgen adamdardyŋ qarasy onşa köp bolmady. Köbısı – orta jastan asqan kısıler. Olar özderı qalaǧan basylymǧa jazylyp jatty. Bız şara barysynda şahardyŋ baiyrǧy tūrǧyny Arystan Mūratūly degen qariiamen jolyǧyp, sözge tarttyq. Gazettı ızdep jürıp oqityn oqyrman eken. – Jyl saiyn 5-6 basylymǧa jazylamyn. Äiteuır, zeinetaqym bar. Balalaryma küş tüsırmeimın. Būrynǧydai köşede gazet satatyn düŋgırşek joq. Sodan keiın ana tılımızde jaryq köretın gazetter qolymyzǧa tüspeidı. Sosyn jazylamyn. Ärı kün saiyn üige kelıp tūrady. Gazet oqymasam, auyramyn. Jas künımnen boiǧa sıŋgen ädet. Qartaisam da qalmaidy. Bügın merzımdı baspasözge jazyluşylar künı bolady degendı estıp, ädeiı erte kelıp tūrmyn, – dedı Arystan aqsaqal.Jazylu künıne sonşalyqty köp redaksiia kelgen joq. Alty ǧana gazet-jurnaldyŋ ökılderın kördık. Bärı de elordada ornalasqan. Işınde «Astana aqşamy» men «Vecherniaia Astana» basylymdary boldy. «Bügın tamaşa şara bolyp jatyr. Oqyrmandarmen betpe-bet jüzdesıp otyrmyz. Bızdıŋ «National geographic Qazaqstan» jurnaly 2016 jyldan berı jaryq köredı. Alǧaşqy sany Elbasynyŋ qūttyqtauymen basyldy. Basylymǧa älemnıŋ tarih, ǧylym jäne mädeniet salasyndaǧy soŋǧy jaŋalyqtary jariialanady. Jurnaldyŋ 700 million auditoriiasy bar. 80 elde, 38 tılde şyǧady. 38-şı tıl qazaq tılı bolyp tırkelgen» dedı jurnaldyŋ marketing bölımınıŋ jetekşısı Orazaly Kärımbaev. Gazet-jurnaldy üige jazdyrtyp oqyǧanǧa ne jetsın… Aitpaqşy, sız merzımdı baspasözge jazyldyŋyz ba?
Azamat Esenjol
