Astana qalasynyŋ mäslihatynda elordanyŋ 2023-2025 jyldarǧa arnalǧan biudjetı jobasyn talqylau bastaldy. Aldymen mäslihattyŋ zaŋdylyq, qūqyqtyq tärtıp jäne jūrtşylyqpen jūmys mäselelerı jönındegı tūraqty komissiianyŋ otyrysynda tiıstı departamentter men basqarmalardyŋ biudjetterı qaraldy.
Aldymen qalalyq Ekonomika jäne biudjettık josparlau basqarmasynyŋ basşysy Qaisar Maŋqaraev qalanyŋ osy jylǧy 9 aidaǧy äleumettık-ekonomikalyq damu qorytyndylaryna toqtaldy. Onyŋ aituynşa, olar tūraqty ekonomikalyq ösu tendensiiasyn körsetedı.
Astananyŋ damuyn körsetetın negızgı indikator – jalpy öŋırlık önım. Onyŋ kölemı biylǧy ekınşı jartyjyldyǧynda 3 trln 600 mlrd teŋgenı qūrap, ötken jyldyŋ säikes kezeŋımen salystyrǧanda 3,1 paiyzǧa östı. Öŋırdıŋ jalpy ışkı önımdegı ülesı – 9 paiyz.
Polisiia departamentı bastyǧynyŋ orynbasary Gosman Jakin 2023 jyly kürdelı şyǧystarǧa, naşaqorlyq pen esırtkı qylmysynyŋ aldyn alu jūmystaryna, tūrǧyn üi tölemderın töleuge, qyzmetkerlerdıŋ lauazymdyq jalaqylaryna üstemeaqy töleuge, kommunaldyq qyzmetterge aqy töleuge, kiım-keşek qajettılıkterıne, «Sifrlyq polisiia» jobasyn ıske asyru üşın jabdyqtardy jalǧa aluǧa, aqparattyq qauıpsızdıktı qamtamasyz etu jönındegı qyzmetterge, avtokölıkke, Patruldık polisiia polkın eskı ǧimarattan köşıruge qosymşa qarjylandyru qajettıgın aitty.
Tötenşe jaǧdailar departamentınıŋ bastyǧy Quanar Bazarbaev kelesı jyly arnaiy tehnikany, sonyŋ ışınde jedel äreket etu kölıkterın, ört söndıru avtosisternasyn, ört söndıru avtosatysyn, apattyq-qūtqaru avtokölıkterın, basqa da tehnikany satyp aluǧa lizingtıŋ ekınşı kezegınıŋ qyzmetterıne aqy töleuge közdelgen şyǧystar turaly baiandady.
Qorǧanys ısterı departamentınıŋ bastyǧy Medet Ryskeldiev Respublika daŋǧyly, 54 mekenjaiynda biznes-ortalyqtyŋ būrynǧy ǧimaratynda ornalastyru josparlanǧan qalalyq qūrama punkttı köşıru mäselesın şeşude deputattarǧa qoldau körsetkenı üşın alǧys aitty. Taŋdauǧa ūsynylǧan ǧimarattardyŋ ışınde osy ǧimarat qalalyq qūrama punktın ornalastyruǧa eŋ qolaily boldy. Ǧimarattyŋ kölemı barlyq tört audannyŋ şaqyru punktterın bır ǧimaratqa ornalastyruǧa mümkındık beredı.
Işkı saiasat basqarmasynyŋ basşysy Däuren Babamūratov memlekettık aqparattyq saiasatty jürgızu qyzmetterıne, gazetter, jurnaldar jäne internet-portaldar arqyly memlekettık aqparattyq saiasatty jürgızuge, qalada äleumettık-ekonomikalyq jäne saiasi reformalardyŋ ıske asyrylu barysy turaly halyqtyŋ habardar bolu deŋgeiın arttyruǧa, elorda telearnalarynyŋ aqparattyq memlekettık qyzmetterıne, aqparattyq materialdardy daiyndauǧa qosymşa qarjylandyru qajettıgı turaly habarlady.
Jastar saiasaty mäselelerı basqarmasynyŋ basşysy Qairat Qambarov basqarma mūqtajdyqtaryna, sonyŋ ışınde «Astana qalasy jastarynyŋ äleumettık-demografiialyq portretı» sosiologiialyq zertteuın jürgızuge, «Jasyl el» jobasy boiynşa memlekettık äleumettık tapsyrysty töleuge, jetım balalar men ata-anasynyŋ qamqorlyǧynsyz qalǧan balalardy internattan keiıngı qoldau men beiımdeuge arnalǧan şyǧystarǧa, «Erıktıler mektebı» jobasy şeŋberınde käsıbi erıktılerdı daiarlauǧa, jastar lagerın, öŋırlık pıkırsaiys turnirın ötkızuge şyǧystardy ūlǧaitu qajettıgın jetkızdı.
Mäslihat deputaty Azamat Aithojin atalmyş basqarmanyŋ «Küigenjar», «Michurin», «Jeleznodorojnyi», «İnternasionalnyi» tūrǧyn alaptarynda aula klubtaryn qūru josparlary turaly sūrady. Qairat Qambarovtyŋ mälımdeuınşe, «Küigenjarda» aula kluby jalǧa alynǧan ǧimaratta ornalasqan. «Michurinde» jastarǧa arnalǧan ǧimarattar mülde joq, al «Jeleznodorojnyida» aula klubynyŋ ǧimaraty jastardyŋ qajettılıkterın qanaǧattandyrmaidy.
Deputattar qūrylys saluşylarmen şart jasai otyryp, köppäterlı tūrǧyn üi keşenderınıŋ bırınşı qabattarynda aula klubtaryn ornalastyru turaly mäselenı kötergen. Kelesı jyly biudjettı naqtylau barysynda qalanyŋ şetkı aimaqtaryna nazar audarǧan jön. Mäselen, «Uchhoz» ben «Metro» sauda ortalyǧy arasynda tūrǧyn üi keşenderı bar. Sol aumaqta balalardyŋ baratyn jerı, sport keşenderı men aula kluby joq.
Dın ısterı basqarmasynyŋ basşysy Nūrdaulet Älmūhanov öŋırdegı dıni ahualdy zerdeleu jäne taldau maqsatynda limittı 300 mln teŋgege deiın ūlǧaitu qajettıgı turaly aityp, būl jūmysty sapaly jürgızuge 158 mln teŋge qarajat jetpeitının jetkızdı.
Mäslihat hatşysy Erlan Kanalimov keibır problemalyq mäselelerge toqtaldy. Sonyŋ ışınde naşaqorlyq pen esırtkı biznesınıŋ aldyn alu mäselelerıne erekşe nazar audaru qajet ekenın atap öttı. Būl mäsele boiynşa Ükımet şaralar qabyldauda. Keşendı jospar äzırlendı. Oǧan öŋırler boiynşa zerthanalar satyp alu mäselesı engızıldı. Mäslihat hatşysynyŋ pıkırınşe, qalalyq josparda tek ıs-şaralar, konsertter ötkızu ǧana emes, naqty ıster boluy kerek. Polisiia departamentınıŋ qūramy boiynşa problemalar bar. Atap aitqanda, IT tehnologiialar mamandary qajet. Būǧan qosa, kompiuterler eskırıp, jaŋartudy qajet etedı. Al qazır esırtkı biznesı äleumettık jelılerde şoǧyrlanǧan. Ony aldyn alu mäselelerımen 18 memlekettık organ ainalysady, bıraq nätijelerı qynjylarlyq.
Erlan Kanalimovtyŋ sözınşe, Işkı saiasat basqarmasy boiynşa materialdyq bazany qamtamasyz etu, jergılıktı baspa BAQ-taryn kompiuterlermen, kölık qūraldarymen, beinekameralarmen jäne jurnalisterdıŋ sapaly jūmys ısteuı üşın basqa da tehnikamen qamtamasyz etu mäselelerı özektı. Al bügıngı taŋda aula klubtarynyŋ bır bölıgın materialdyq-tehnikalyq jaraqtandyru mäselelerı ıs jüzınde şeşıldı. Būl jūmysty jalǧastyryp, basqa aula klubtaryna jöndeu jūmystaryn jürgızu qajet. Qazır balalardy aula klubtarymen qamtudyŋ naqty taldauy qajet. Balalarǧa arnalǧan üiırmeler men seksiialardyŋ tegın boluy maŋyzdy. Jūmyssyz jastardyŋ qajettılıkterıne de nazar audaru kerek.
Dın ısterı basqarmasyna qarajat Dınderdı zertteu ortalyǧynyŋ jūmysyna, jaŋa filmder tüsıruge qajet. Memlekettık organdardyŋ qyzmetı üşın negızgı limitter ötken jylmen salystyrǧanda kem qarastyrylǧan joq. Halyqtyŋ ärbır üşınşı ökılı – jastar. Jastar bos bolmauy kerek, öitkenı qol bostyq, tegın sport seksiialaryna qatysu mümkındıgınıŋ bolmauy olardy zaŋsyz äreketterge itermeleidı.
Deputat Azamat Aithojinnıŋ pıkırınşe, destruktivtı sektalarǧa ılıkken jastarmen jūmysqa nazar audaru kerek. Sebebı qaŋtar oqiǧasy kezınde jastardyŋ osy bölıgı oqiǧaǧa belsendı qatysqany aiqyn.
Mäslihat deputaty Dinara Baiserkina qalada öz qyzmetın granttar nemese jeke investorlar arqyly jüzege asyratyn aula klubtary boluy mümkındıgın, Jastar saiasaty mäselelerı basqarmasyna halyqty būl tarapta aqparattandyrudy küşeitu kerektıgın atap öttı. Al deputat Arailym Qūmarjanova erekşe qajettılıgı bar balalarǧa arnalǧan aula klubtaryn ūiymdastyru mäselesın köterdı. Elordada mūndai balalarǧa arnalǧan alǧaşqy aula kluby aşyldy. Alaida tabaldyryq öte joǧary ornalasqan. Būl – arbadaǧy jandar üşın kedergı.
Astananyŋ 2023-2025 jyldarǧa arnalǧan biudjetı jobasyn talqylau osy apta boiy jalǧasady.
