Qalalyq mäslihattyŋ elu altynşy, kezekten tys sessiiasynda elordanyŋ 2015-2017 jyldarǧa arnalǧan biudjetıne özgerıster engızıldı.
Osyǧan orai, söz alǧan Ekonomika jäne biudjettık josparlau basqarmasynyŋ basşysy Janat Nūrpeiısov qala biudjetı aitarlyqtai tolyǧa tüskenın, jalpy elorda biudjetın tolyqtyruǧa soŋǧy kezderı şaǧyn jäne orta käsıpkerlık ökılderınıŋ köp üles qosqanyn atap öttı. Būl rette baiandamaşy biudjetke tüsken qosymşa qarajattyŋ basym bölıgın bılım, densaulyq saqtau salasyndaǧy keibır mäselelerdı şeşuge, atap aitsaq, qūrylysy aiaqtalmaǧan mektepter men balabaqşalardy salyp bıtıruge, qala köşelerı men joldardy jöndeuge baǧyttau jönınde ūsynys bıldırdı. Halyq qalaulylary biudjetke engızılgen özgerısterdı bırauyzdan qoldady. Sonyŋ negızınde aldaǧy uaqytta egde adamdar künıne orai, qala qarttaryna bes myŋ teŋgeden bırretık järdemaqy tölenıp, Astananyŋ barlyq mektepterındegı 1-4 synyp oquşylary tegın tamaqpen qamtamasyz etıletın bolady.
Sessiia barysynda bas qalanyŋ damuyna eleulı üles qosqany üşın «Stroikonstruksiia» AQ prezidentı Viktor Dmitrievich Bullerge «Astana qalasynyŋ qūrmettı azamaty» ataǧy berıldı. Sondai-aq, mäslihat deputattary F.Kim jäne V.Petruşak Qazaqstan Respublikasy Konstitusiiasynyŋ 20 jyldyǧyna arnalǧan merekelık medaldarmen marapattaldy.
Gülbarşyn ÖKEŞQYZY
