Ortalyq kommunikasiialar qyzmetınıŋ alaŋynda «Astana qalasy bılım salasynyŋ damuy, nätijelerı men perspektivalary» turaly Astana qalasy Bılım basqarmasynyŋ basşysy Qasymhan Senǧazyev brifing ötkızdı. Dialog alaŋynda bılım salasynyŋ özektı taqyryptary söz boldy. Bas qalada bılım salasyndaǧy serpındı jobalar jüzege asyp jatyr. Memleket basşysynyŋ tapsyrmasyn oryndau üşın elordada bırşama jūmys atqaryldy.
Qanşa bılım beru ūiymy bar?
Astanada qazırgı taŋda 365544 balany qamtyp otyrǧan 757 bılım beru ūiymy jūmys ısteidı. Onyŋ ışınde 525 balabaqşa, 172 mektep, 32 kolledj, 11 qosymşa bılım beru ūiymy jäne 15 arnaiy bılım beru ūiymy bar. Ötken jyly bılım beru ūiymdary 102-ge artqan.
Astana qalasynda 2023 jyly 11 mektep ıske qosylyp, jaŋa mektepter qaladaǧy 3 mektepte üş auysymmen oqu mäselesı şeşıldı. Oqu jylynyŋ aiaǧyna deiın taǧy da 4 mekteptı ıske qosu josparlanǧan.
Erekşe balalarǧa – erekşe közqaras
Erekşe balalar da qoǧamda özderın erkın sezınuı qajet. Sondyqtan bügınde elordada airyqşa kütımge mūqtaj balalarǧa qolaily orta qalyptastyryp, bılım berudıŋ maŋyzy zor.
Elordada erekşe bılım berudı qajet etetın balalarǧa memlekettık qyzmet körsetu şeŋberı keŋeietın bolady. Bügınde 470 myŋǧa juyq balaǧa 8 psihologiialyq-medisinalyq-pedagogikalyq konsultasiia jūmys jasauda. Būl jūmys aldaǧy uaqytta jalǧasyn tabady.
Qauıpsızdık – basty nazarda
Balalardyŋ qauıpsızdıgın qamtamasyz etu mäselesı – memlekettıŋ asa maŋyzdy mındetınıŋ bırı. Osy maqsatta Astana qalasy Bılım basqarmasy tarapynan keşendı jūmys jürgızılude. Bügıngı taŋda elordada barlyq bılım beru ūiymy sifrly beinebaqylaumen qamtamasyz etılgen. Barlyq kamera men dabyl tüimesı Polisiia departamentınıŋ jedel basqaru ortalyǧyna qosylǧan. Ornatylǧan kameralar barlyq talapqa säikes keledı. Astana qalasynda balalardyŋ qauıpsızdıgın saqtau maqsatynda barlyq bılım beru ūiymy tolyǧymen sifrly beinebaqylau kameralarymen, turnikettermen, dabyl tüimelerımen jäne joǧary jyldamdyqtaǧy internet jelısımen qamtamasyz etılgen. Mektep qauıpsızdıgın qamtamasyz etu baǧytynda jüielı şaralar qabyldau jalǧasady.
Balabaqşamen qamtu jaiy qalai?
Balalardy mektepke deiıngı tärbiemen jäne oqytumen qamtudy ūlǧaitu maqsatynda 2023 jyly 10214 orynǧa memlekettık tapsyrys ornalastyrylyp, aǧymdaǧy jyly taǧy 10000-nan asa orynǧa memlekettık tapsyrys ornalastyrylmaq. Sonymen qatar balabaqşalardaǧy oryn tapşylyǧyn joiu maqsatynda 60 balabaqşa salu josparlanuda. Bügınde 10 balabaqşanyŋ jer telımı belgılenıp, jobalau jūmysy bastalǧan. 2024 jyly 4 şaǧyn ortalyqta inkliuziiany qoldau kabinetı aşylady.
Kadr tapşylyǧy bolmaidy
Sūranysqa ie kadrlardy daiarlau maqsatynda mamandarǧa qajettılıktıŋ öŋırlık kartasy – jaŋa käsıpter atlasy äzırlengen. 2025 jylǧa qarai jastardyŋ 100 paiyzy tegın tehnikalyq jäne käsıptık bılımmen qamtamasyz etıledı. Sondai-aq basqa aimaqtardan kelgen studentterdı jataqhanamen qamtamasyz etu maqsatynda 1000 oryndyq «Studentter üiı» salynady.
Qasymhan Senǧazyevtyŋ aituynşa, jyl saiyn mektep oquşylary sanynyŋ ösuıne bailanysty 2026-2027 oqu jylyna qarai Astanada 5 myŋ mūǧalımge qajettılık tuyndaidy. Memleket basşysynyŋ elordada pedagogikalyq joǧary oqu ornyn aşu turaly tapsyrysyn oryndau maqsatynda memlekettık-jekeşelık ärıptestık jobasy aiasynda pedagogikalyq kolledjdı pedagogikalyq universitetke transformasiialau jūmysy bastalǧan. Osy maqsatta L.Gumilev atyndaǧy Euraziia ūlttyq universitetınıŋ bazasynda Abai atyndaǧy QazŪPU filialy aşylady.
Bılım basqarmasy basşysynyŋ aituynşa, biyl elordada 6 myŋnan astam mūǧalım bılıktılıgın arttyru kursynan ötedı. 2023 jyly memlekettık bılım beru ūiymdarynyŋ basşylary men pedagog qyzmetkerlerın qyzmetke taǧaiyndau jäne qyzmetten bosatu qaǧidalaryna özgerıs engızılgen. Özgerıske säikes, bılım beru salasyndaǧy köşbasşylardy ırıkteu jäne daiarlau jönındegı norma engızıldı. Bügıngı taŋda Bılım ministrınıŋ būiryǧymen respublikalyq kadr rezervıne engızılgen kandidattardyŋ tızımı bekıtılıp, Astana qalasy boiynşa osy kadrlyq rezervke 18 adam kırgen.
Bılım basqarmasy aǧymdaǧy jyly bılım sapasyn arttyru boiynşa jūmys jüiesın jetıldıruge naqty qadam jasady. Bılım basqarmasynyŋ mälımetınşe, qalada qazırgı bılım sapasy – 59,7 paiyz. Aldaǧy uaqytta bılım sapasyn arttyruǧa baǧyttalǧan bırneşe jobany jüzege asyru, infrastrukturany damytu jūmysy josparlanǧan. Qazırgı taŋda elorda mektepterı elektrondy oqulyqtarmen 100 paiyz qamtamasyz etılgen.
