Nūr-Sūltan qalasynyŋ Nur Otan partiiasy filialy janyndaǧy Bılım men ǧylymdy damytu jönındegı Qoǧamdyq keŋestıŋ otyrysy öttı.
Jiynda qalalyq Bılım basqarmasynyŋ basşysy Şäkärım Seisenbai barlyq oquşylardy oqulyqtarmen qamtamasyz etu, üş auysymdy mektepter mäselesın şeşu boiynşa qabyldanyp jatqan şaralar (mektepter №27, №53, №59, №83) jaiyn keŋınen tarqatty.
«Qazırgı taŋda baspalardan 1487 oqulyq satyp alu üşın kelısımşarttaryn jasadyq. Tamyz aiynda 2021-2022 oqu jylyna arnalǧan Nūr-Sūltan qalasyndaǧy mektepterge oqulyqtar satyp aluǧa jergılıktı biudjetten 2 mlrd 251 mln teŋge bölındı. 1 187 116 oqulyq (15 baspamen) satyp alu turaly kelısımşart jasaldy. Bügıngı taŋda 947 244 (80%) oqulyq alyndy, onyŋ ışınde 850 879 (72%) jetkızıldı. 25 tamyzǧa deiın 239 872 oqulyq jetkızu josparlanǧan. Sondai-aq bılım aluşylar 100% oqulyqtarmen jäne olardyŋ aqysyz elektrondy nūsqalarymen qamtamasyz etıledı.
Jalpyǧa bırdei oqytu Ükımettıŋ 2008 jylǧy 25 qaŋtardaǧy qaulysy negızınde – «Jalpyǧa bırdei mındettı orta bılım beru» baǧdarlamasy şeŋberınde bırneşe sanat boiynşa oquşylarǧa materialdyq kömek körsetıledı. Osy baǧdarlama aiasynda ata-analar balalaryna mektep kiımı men aiaq kiımın jäne mektepke qajettı jazu-syzu qūraldaryn satyp ala alady.
Sonymen qatar käsıpkerlık palatamen bırlesıp qatysuşy-kompaniialar men sauda nüktelerınıŋ sanyn ūlǧaitu boiynşa jūmys jürgızdık. Ötken jyly «Jappai bırdei bılım beru» baǧdarlamasyna 16 kompaniia jäne 27 sauda nüktesı qatyssa, biyl 18 kompaniia jäne 30 sauda nüktesıne artyp otyr.
Byltyr halyqtyŋ äleumettık osal toptarynan 13 myŋ oquşy qamtylsa, biyl 15 myŋ balany qamtudy josparlap otyrmyz. Bır balaǧa kömek mölşerı – 40 myŋ teŋge. Jalpyǧa bırdei oqytu boiynşa kömek aluǧa ötınış beru üşın ata-analar bala oqityn mekteptıŋ äkımşılıgıne ötınış beruı qajet. 11 tamyzdan bastalǧan baǧdarlamany 31 qazanda aiaqtaudy josparlap otyrmyz» dedı basqarma basşysy.
Jaŋa oqu jylynda qalada 7 mektep aşylady. Atap aitqanda, Maiqaiyŋ men A351 köşelerınıŋ qiylysyndaǧy 1 200 orynǧa arnalǧan №92 mektep, Taibūryl 17 köşesınıŋ boiynda Baiqoŋyr audanynda ornalasqan 600 oryndyq №23 orta mektep, memlekettık jekemenşık serıktester mehanizmı boiynşa Esıl audanyndaǧy №28, №38 köşelerınıŋ qiylysynda ornalasqan 2000 oryndyq BINOM mektebı, jeke investisiia esebınen Tūran daŋǧyly, №89 800 orynǧa arnalǧan «Tamos Space School» jekemenşık mektebı (Tamos Space School JŞS), Hrapatyi-15 köşesınde 1200 orynǧa arnalǧan jalpy bılım beretın mektep («Nūrly-Astana» QF), I.Omarov köşesınde 700 oryndyq balabaqşasy bar mektep («EURO AST KZ2019» JŞS) pen Q.Mūhamedhanov köşesınde JŞS «Quantum STEM SCHOOL» (BI Group) 1032 orynǧa arnalǧan mektep paidalanuǧa berıledı.
«Bılım beru ūiymdaryna sanitarlyq-gigienalyq önımderdı satyp alu üşın (üi-jailardy tazalauǧa, dezinfeksiialauǧa jäne sanitarlyq tazalauǧa arnalǧan juǧyş zattar, jeke gigienalyq erejelerdı saqtauǧa arnalǧan qūraldar) jergılıktı atqaru organdary şamamen 27 million teŋge böldı. Balalardyŋ qauıpsızdıgı – basty nazarda. Bügınde pedagogtardyŋ 99,4 paiyzdan astamy (19 myŋ pedagogtyŋ 16 158-ı) jäne tehnikalyq personaldyŋ 98,5 paiyzy (5928 tehpersonaldyŋ 4992-sı) vaksina aldy. Oǧan qosa, mūǧalımder men bılım beru ūiymdarynyŋ qyzmetkerlerı jyl saiyn medisinalyq tekseruden ötuı tiıs. Ashyq jüiesıne barlyq bılım beru ūiymdary tolyq qosyldy (100%). Būl şara oqu prosesın karantindık şekteu kezınde bılım beru obektılerın jalǧastyruǧa mümkındık beredı (dästürlı formatta). Ashyq jüiesı ata-analar men mektep qyzmetkerlerı üşın engızıldı» dedı Şäkärım Seisenbai.
Sonymen qatar basqarma basşysy elordanyŋ jalpy bılım beretın mektepterınde mümkındıgı şekteulı oquşylarǧa jaǧdai jasau, mektepterde jalpyǧa mındettı oqytudy ūiymdastyru men «mektepke jol» aksiiasyna toqtaldy.
«Mektepke jol» respublikalyq qaiyrymdylyq aksiiasyna qatysu üşın «Menıŋ Atamekenım» portalynyŋ «Mektepke jol» paraqşasynda ötınım beru qajet. Aksiia aiasynda 7000-ǧa juyq balany kömekpen qamtu josparlanǧan. Jyl basynan berı 4276 oquşyǧa kömek körsetıldı. Audandyq äkımdıkter 2,1 myŋ balaǧa kerek-jaraqtary bar mektep sömkeler tabystady» dedı Ş.Seisenbai.
Naima NŪRALYQYZY
