Astana qalasy äkımdıgınde Memleket basşysy Nūrsūltan Nazarbaevtyŋ «Qazaqstan-2050» Strategiiasy» – qalyptasqan memlekettıŋ jaŋa saiasi baǧyty» atty Joldauy talqylandy. Jiynǧa Parlament, qalalyq mäslihat deputattary, qala äkımdıgıne qarasty mekeme basşylary jäne saiasi partiia belsendılerı qatysty. Olar Elbasy joldauyndaǧy maŋyzdy mındetter töŋıregınde pıkır almasyp, oi bölıstı.
Qalalyq mäslihattyŋ hatşysy Sansyzbai Esılovtıŋ pıkırınşe, «Qazaqstan – 2050» strategiiasy el damuynyŋ basty baǧyttaryn aiqyndap, bolaşaqtaǧy alar belesterımızdı saralap baryp jasalǧan tarihi qūjat. «Zaman talaby, halyq sūranysy bolaşaq jospardyŋ auqymy men qarqynyn keŋeitıp, tyŋ ekonomikalyq serpılıs jasaudy talap etıp otyr. Būl joldau elımızdıŋ aldaǧy 38 jylyna josparlanǧan strategiialyq maqsattar men mındetterdı baiandaǧan, bükıl halyqty jalpyǧa ortaq eŋbek qoǧamyna daiyndaǧan asa maŋyzdy qūjat bolyp esepteledı» dedı ol.
Joldaudyŋ är bölımı memleket saiasatynyŋ negızgı ūstanymdaryna halyqtyŋ müddesı men igılıgıne negızdelgenın aitty.
Jyl saiynǧy Joldaudan halyqtyŋ jaŋalyq, jaqsylyq kütetını bar. Sebebı onda bügıngı künnıŋ eŋ özektı mäselelerı köterılıp qana qoimai, olardy şeşu joldary da naqty körsetıledı.
Parlament Senatynyŋ deputaty Vladimir Redkokaşin biylǧy Joldaudyŋ halyq üşın tyŋ jaŋalyqtarǧa toly ekendıgıne toqtaldy.
«Qūjattyŋ «Äleumettık saiasattyŋ jaŋa prinsipterı – äleumettık kepıldıkter jäne jeke jauapkerşılık» dep atalǧan bölımı menıŋ nazarymdy erekşe audardy. Nege deseŋız, mūnda qoǧamnyŋ äleumettık jaǧdaiy tömen toptaryna, jūmyssyzdarǧa, mümkındıgı şekteulı jandarǧa köŋıl bölu qajettıgı aitylǧan» dedı ol. Senatordyŋ keltırgen mälımetı boiynşa «Qazaqstan – 2030» strategiialyq baǧdarlamasy qabyldanǧannan bergı 15 jyl ışınde elımız eŋ qarqyndy damuşy 5 memlekettıŋ qataryna enıptı. El azamattarynyŋ tabysy 16 esege, ışkı jalpy önım jan basyna şaqqanda 7 esege ūlǧaiǧan.
Vladimir Redkokaşinnıŋ pıkırınşe, joldauda düniege ūrpaq äkeluşı – qyz balalardyŋ tärbiesı jaiynda keŋınen söz boluy – Elbasynyŋ ūlt taǧdyryna bei-jai qaramaityndyǧynyŋ dälelı.
«Sesna-Astyq» Konsernı» JŞS Basqarmasynyŋ töraǧasy, qalalyq mäslihat deputaty Nikolai Meşeriakov Elbasynyŋ auyl şaruaşylyǧy önımderın jahandyq sūranysqa sai jaŋǧyrtu qajettıgı jaiynda aitqanyna erekşe män bergen syŋaily. Öz baiandamasynda osy bölımge erekşe toqtalǧan ol fermerlık pen şaǧyn jäne orta biznestı damytu, ışkı jalpy önımdegı auylşaruaşylyq önımderınıŋ üles salmaǧyn arttyru mäselesın köŋılge qonymdy dep sanaityndyǧyn tılge tiek ettı.
QR Prezidentı janyndaǧy Memlekettık qyzmet akademiiasy äleumettık saiasat kafedrasynyŋ professory Tıleuǧali Börıbaevtyŋ baiandamasynda latyn älıpbiıne köşu älemdık aqparattyq keŋıstıktı igerudıŋ negızgı joly ekendıgı aityldy. Ol «Astanada qazaq tılınde bılım beretın mektepter men balabaqşalardy aşu odan ärı jalǧasa bergenı jön» degen ūsynysyn da bıldırdı.
«Astana Innovations» AQ töraǧasy Saiat Nüsıpov özderı jüzege asyratyn innovasiialyq jobalardyŋ barlyǧy da Prezident Joldauynyŋ ūstanymdaryna säikes keletındıgın atap körsettı. Bügınde Astanada innovasiialyq tehnologiialarǧa qūiylatyn inves-tisiia artyp keledı, innovasiialyq önımder kölemı de 15 esege ösken. İnnovasiia igılıgın köretın kün jettı. Qazırgı kezde «Smart-su qūbyry» jobasynyŋ arqasynda sudy bei-bereket qoldanudy 20 paiyzdan 8 paiyzǧa deiın kemıtuge qol jetkızdık. Al, «Smart-LEP» jobasy elektr quatyn şyǧyndaudy 45 paiyz azaituǧa, «Därıhanalyq qūltemırler» jobasy qala tūrǧyndaryna qyzmet körsetudı 4 minuttan 7 sekundqa deiın kemıtuge mümkındık berıp otyr.
Memleket basşysy Nūrsūltan Nazarbaevtyŋ jürgızıp otyrǧan saiasatynyŋ salmaǧy jyl ötken saiyn artyp keledı. Biylǧy Joldaudyŋ da köterer jügı jeŋıl emes. Demek, onda körsetılgen mındetterdı mültıksız oryndau barşa qazaqstandyqtarǧa ülken syn bolary anyq. Jiyndy basqarǧan qalalyq mäslihattyŋ hatşysy Sansyzbai Esılov söz soŋynda barşa astanalyqtardyŋ Joldaudy qoldauda belsendılık tanytyp, būl synnan sürınbei ötetındıgıne senım bıldırdı.
Şynar DOSAN
