Jyl basynda Memleket basşysy Qasym-Jomart Toqaev Parlament Mäjılısınde söilegen sözınde infliasiia mäselesıne erekşe köŋıl bölıp, baǧalardy tūraqtandyru mındetın qoiǧan bolatyn. Osyǧan orai, elordada äleumettık maŋyzy bar azyq-tülık tauarlarynyŋ baǧasyn ūstap tūru jönınde atqarylyp jatqan ıs-şaralar az emes. Oǧan qaladaǧy «Astanalyq», «Älem», Şapaǧat» jäne «Big Şanhai» bazarlaryna barǧanda anyq köz jetkızdık
Jalpy, elorda aumaǧynda azyq-tülık tauarlarynyŋ tapşylyǧy baiqalmaidy. Qai bazarǧa bas sūqsaq ta, kündelıktı tūrmysqa asa qajettı azyq-tülıkten bastap basqa da kerek zattyŋ bärı sörelerde samsap tūrǧanyn kördık. Baǧa bırdei bolmaǧanymen, bır-bırınen bälendei alşaq ta emes eken.
Tūrǧyndardyŋ bacym bölıgı azyq-tülık alu üşın bazarǧa keletını belgılı. Öitkenı mūnda as mäzırıne qajettınıŋ bärın taŋdap aluǧa mümkındık köp. Būl rette jergılıktı jūrttyŋ jiı baratyn jerı – «Şapaǧat» bazary. Satuşy Nazerkenıŋ aituynşa, mūndaǧy tauarlardyŋ denı qala maŋyndaǧy auyldardan jetkızıletın taza önım bolǧandyqtan ba, äiteuır jyldam ötıp ketedı.
Är seisenbı künderı būl bazarda zeinetkerlerge qyryqqabat, kartop pen säbız 95 teŋgeden jeŋıldetılgen baǧamen satylady. Mūny bılıp alǧan egde adamdar seisenbı
saiyn taŋsärıden «Şapaǧatty» betke alady. Tek, kökönıster bır qolǧa üş kelıden artyq berılmeidı.
Nandy qaryzǧa sūraityndar da bar eken. Köbıne körşı bazarlardaǧy satuşylar kelıp qaryzǧa jazdyryp alatyn körınedı. Tıptı, keide tanymaityn adamdardyŋ «bır bölke bere tūryŋyzşy» dep ötınetının qaitersız. Nanǧa kelgende satyp aluşylardyŋ qoldaryn qaitaryp körmegen kelınşek olardyŋ qai-qaisy qaryzdaryn keşıktırıp bolsyn qaitaratynyn aitty.
«Astanalyq» jäne «Älem» bazarlarynda baǧa jaǧynan äjeptäuır aiyrmaşylyq baiqaldy. Alǧaşqysynda 400 teŋge tūratyn pasterlengen süt soŋǧysynda 100 teŋgege qymbattau eken. Bıraq, nan, tūz, makaron önımderı, qaraqūmyq pen kürış sekıldı kündelıktı tūtynatyn zattar «Astanalyq» pen «Şapaǧat» bazarlaryna qaraǧanda «Älem» bazarynda edäuır arzandau bolyp şyqty.
Qysqasy, elordada əleumettık maŋyzy bar azyq-tülık tauarlaryn jetkızuge qatysty ırkılıster joq. Barlyq bazarlar ştattyq rejimde jūmys ıstep, baǧany tūraqtandyru saiasaty dūrys jürgızılıp jatyr.
Keşe Ükımet otyrysynda Bäsekelestıktı qorǧau jäne damytu agenttıgınıŋ töraǧasy Serık Jūmanǧarin kün saiyn öŋırlerde äleumettık maŋyzy bar azyq-tülık tauarlarynyŋ baǧalaryna monitoring jürgızılıp jatqanyn jetkızse, Premer-ministr Älihan Smaiylov öŋırlerdıŋ äkımderı üsteme baǧa men şektı baǧany baqylau jūmysyn küşeituı tiıs ekenın tılge tiek ettı.
«Bız jauapsyz satuşylar men alyp-satarlarǧa baǧany negızsız ösıru esebınen paida tabuǧa jol bermeuımız qajet» dedı Ükımet basşysy. Būl mäsele – Nūr-Sūltan qalasy basşylyǧynyŋ da qataŋ baqylauynda.
Bas qaladaǧy azyq-tülıkterdıŋ baǧasyn Elorda.info saity arqyly baqylap, aqşaŋyzdy ünemdep otyrsaŋyz artyq bolmas.
Gülbarşyn ÖKEŞQYZY
