BEIBIT KÜNNIŊ BALALARY
Otan qorǧauşylar jäne Ūly Jeŋıs künıne orai elordadaǧy №28 «Jūldyz» sanatoriialyq balabaqşa büldırşınderı merekelık erteŋgılık ötkızdı.
Şarada balaqailar maidan taqyrybyna arnalǧan öleŋ şumaqtaryn oqyp, bi biledı. Soǧysqa attanǧan äskerge, olardy şyǧaryp salyp, asyǧa kütken analarǧa arnap än şyrqady.
Balabaqşanyŋ meŋgeruşısı Kenjetai Saǧyndyqqyzy Jamalieva söz söilep, jinalǧan qauymdy merekemen qūttyqtady.
– 9 mamyr – Jeŋıs künımen barlyqtaryŋyzdy şyn jürekten qūttyqtaimyn! Būl kün tarih paraqtarynda ülken ärıptermen jazylǧan. Öz janyn aiamai elımızdı qorǧaǧan, beibıt künge jetkızgen erlerımızge basymyzdy iemız, – dedı ol.Balabaqşadaǧy büldırşınder – soǧysty körmek tügıl, estımei ösken beibıt künnıŋ balalary. Sol sebeptı merekelık konsert aiasynda jürgızuşıler balalarǧa sūrapyl soǧystyŋ jyldary turaly aqparat berıp, qūlaqtandyryp otyrdy.Balalar qoiǧan sahnalyq körınıs sol jyldardyŋ kartinasyn köz aldyǧa elestettı. Büldırşınder taqpaq oqyǧanda, otyrǧandar közderıne erıksız jas aldy. Qoryta aitqanda, qatysuşylar aianyp qalmai, bar önerlerın ortaǧa saldy. Keş balaqailardyŋ oryndauyndaǧy «Ärqaşan kün sönbesın» änımen aiaqtaldy. Konsertte körermen bolǧan ata-analar balalardy jastaiynan otansüigıştık pen ūltjandylyqqa baulyp, tamaşa keş ūiymdastyrǧan balabaqşa basşylyǧyna alǧys bıldırdı.