Astana qalasynyŋ belsendı zeinetkerlerınen qūralǧan «Arqa äuenderı» halyq ansamblı elordanyŋ 25 jyldyǧyna arnalǧan konsert qoidy.
«Arqa äuenderı» ansamblı – elorda jūrtşylyǧyna keŋınen tanylǧan öner ūjymy. Bas qalamyzda ötetın memlekettık jäne ūlttyq merekelerge arnalǧan ıs-şaralardyŋ ortasynan körınedı. Qūramyndaǧy zeinetkerlerdıŋ bärı – önerpaz azamattar. Ansambl jetekşısı Kenjetai Erǧaliqyzy Janūzaqova ansambldıŋ repertuaryna ünemı köŋıl bölıp, ärbır müşesın qoldap-qolpaştap jüredı.
Bız jaqynda ǧana elordamyzdaǧy «Şarapat» äleumettık qyzmet körsetu ortalyǧy» mekemesınde bolyp, osynda tūratyn qariialar men mümkındıgı şekteulı adamdar aldynda konsert qoidyq. Dombyra, baian jäne basqa da ūlt aspaptarynda qazaq, orys, ukrain tılderınde än şyrqap, küi tartyp köpşılıktıŋ köŋılın bır köterdık.
Muzykalyq jetekşımız – Temıreş Kereev, ansambl müşelerı – Ǧaliia Meldebekova, Beksūltan Tölegenov, Ämina Seitova, Ramazan Qūrmanbaevtyŋ önerıne zor qoşemet körsetıldı. Özım «Ah, ty, duşechka» degen orystyŋ halyq änın şyrqadym. Sonymen qatar ansambl janyndaǧy «Zamandastar» folklorlyq toby, «Jıgıtter» jäne «Qyzdar» tobynyŋ önerıne de körermen dän riza boldy.
«Zeinetkerler men ardagerlerdıŋ konsertı öte tamaşa boldy. Köŋılımız bır köterılıp qaldy. Köpten berı mūndai konsert körmep edım. Bärıŋızge alǧysym şeksız. Önerlerıŋız örlei bersın» dep rizaşylyǧyn bıldırdı osy konserttı tamaşalaǧan, «Şarapat» qarttar üiınıŋ tūrǧyny Raisa Gaşenko.
«Arqa äuenderı» ansamblı elordamyzdaǧy ıs-şaralarǧa qatysuyn jalǧastyra beredı. Daiyndyq jūmystarymyzdy üzbeimız.
İbragim ÄLIMBAEV,
eŋbek ardagerı,
«Qazaqstannyŋ qūrmettı azamaty» belgısınıŋ iegerı
