Esıl audanynda Jastarǧa qyzmet körsetu ortalyǧy aşyldy. Biyl bas şahardyŋ üş audanynda däl osyndai üş ortalyq aşylady.
– Ötken jyly qalanyŋ 4 audanyna 5 Jastarǧa qyzmet körsetu ortalyǧy aşyldy. Bır jyldyŋ ışınde 10000-ǧa juyq azamat ortalyq qyzmetıne jügındı. Jastarǧa qyzmet körsetu ortalyǧynyŋ arqasynda 3500-ge juyq jas jūmysqa ornalassa, soŋǧy ekı jylda 13 myŋ adam tūraqty jūmysqa ornalasty, – dep atady Q.Qambarov.
Būl ortalyq jastarǧa qyzmet körsetumen ǧana şektelmeidı. Ortalyq jastardyŋ ärı demalatyn, ärı bılımın jetıldıretın, ärı pıkır alysatyn, olardy jan-jaqty qoldauǧa barlyq mümkındık jasaityn ortaq şaŋyraq bolady. Iаǧni jastardyŋ jaŋa ideialary men jobalaryna baǧyt berıp, küş-jıgerın bırıktıretın alaŋǧa ainalady.
Ortalyqtyŋ basty maqsaty – memlekettık jastar saiasatyn jüzege asyru, jastardy qoldauǧa baǧyttalǧan memlekettık baǧdarlamalar jäne jastar arasyndaǧy özektı mäseleler – aula klubtary, erıktılık, käsıpkerlık, jeŋıldıkpen nesielendıru, sonymen qatar käsıptık baǧdar beru, jūmysqa ornalastyru jäne tūrǧyn üi mäselelerı jäne taǧy basqa baǧyttar boiynşa aqparattyq-konsultativtık kömek körsetu. Jastar özın mazalaǧan sūraqtar boiynşa tegın keŋes alady.
Jastarǧa qyzmet körsetu ortalyqtarynda Astana qalasy äkımdıgınıŋ «Astana jastary» KMM-nıŋ qyzmetkerlerı jastardyŋ bos uaqytyn tiımdı ötkızu mäselelerı boiynşa, Halyqty jūmyspen qamtu ortalyǧy jūmysqa ornalastyru mäselelerı boiynşa jäne «Otbasy bank» AQ tūrǧyn üi mäselelerıne qatysty konsultasiialyq kömek körsetedı. Ortalyq bır uaqytta 10-12-ge juyq adamdy qabyldai alady.
Ortalyqtyŋ aşylu saltanatyna qalalyq Jastar saiasaty mäselelerı basqarmasynyŋ basşysy Qairat Qambarov qatysty. Öz sözınde basqarma basşysy qala jastarynyŋ jūmyssyzdyq mäselesın şeşude «Jastar täjıribesı», «Qoǧamdyq jūmystar», «Alǧaşqy jūmys orny», «Ūrpaqtar kelısımşarty» jäne baspanaly boluda 2021 jyldan bastap jüzege asyrylyp kele jatqan «Elorda jastary» baǧdarlamasynyŋ maŋyzyna toqtaldy. Onyŋ aituynşa, qala boiynşa 8500-ge juyq bos jūmys orny bar. Al jūmyssyz jürgen jastardyŋ sany – 6,8-6,9 paiyz, iaǧni 19000 myŋ adam.
Elorda jastarynyŋ jūmyspen qamtuda jastarǧa arnalǧan bos jūmys oryndary järmeŋkesı tūraqty negızde ötkızıledı. Byltyrdyŋ özınde Astanada 10 bos jūmys orny järmeŋkesı öttı. Järmeŋke Jastar saraiy, L.Gumilev atyndaǧy Euraziia ūlttyq universitetı, M.Närıkbaev atyndaǧy Qazaq gumanitarlyq-zaŋ universitetınıŋ qabyrǧasynda ūiymdastyryldy. Biyl da atalǧan mekemelerde järmeŋkeler jalǧasady.
2022 jyldyŋ qyrküiek aiyna deiın qalada 14-29 jas aralyǧyndaǧy jastardyŋ jalpy sany 268 myŋ adamdy qūrady. Memleket basşysy Qasym-Jomart Toqaevtyŋ ūsynysymen «jastar» ūǧymynyŋ jas şegı 35 jasqa deiın ūlǧaidy. Säikesınşe, astanalyq jastardyŋ sany artyp, bügınde jalpy sany 425 myŋ adamdy qūrap otyr. Sondyqtan elorda jastaryna laiyqty qoldau körsetu, sol arqyly memlekettık jastar saiasatyn jüzege asyru negızgı basymdyq boluy tiıs.
Jastarǧa qyzmet körsetu ortalyǧy Qabanbai batyr daŋǧyly, 58 B mekenjaiy boiynşa ornalasqan. Mekeme aptanyŋ bes künı (düisenbı-jūma) taŋerteŋgı saǧat 9:00-den keşkı saǧat 18:00-ge deiın jūmys ısteidı.
