Altai Kölgınov kolledj basşylarymen bılım jüĭesındegı aǧymdaǧy mäselelerdı, ǧimarattardy retke keltırudı, olardyŋ materialdyq-tehnikalyq jabdyqtaluyn, tegın oqu granttarynyŋ sanyn, tülekterdı odan ärı jūmysqa ornalastyru üşın jūmys beruşılermen yntymaqtastyq ornatu jäne taǧy basqa sūraqtardy talqylady. Būl turaly özınıŋ Instagram paraqşasynda jazdy.
– Jastar alǧaşqy bılım men täjıribenı mektep qabyrǧasynda alsa, käsıbi bılımdı kolledjder men universitetterde alady. Būl jerde bastysy – olarǧa teoriialyq bılım ǧana emes, praktikalyq ta bılım beru kerek. Bolaşaqta jaqsy bılım jūmys ısteuge myqty jäne senımdı negız bolady, – deidı qala basşysy.
Äkımnıŋ aituynşa, bılımnıŋ qoljetımdı bolǧany maŋyzdy. Biylǧy oqu jyly 21 kolledjde oqu üşın 4600 astam grant bölındı. Teoriia men täjıribe qatar jüruı tiıs. Dualdı oqytuǧa nazar audaru qajet. Būl – jastardyŋ teoriialyq bılımdı bırden praktikada (öndırıs ornynda) bekıtıp aluy. Olar qajettı käsıbi bılım alyp qana qoĭmaĭ, keĭın jūmysqa da ornalasa alady. Qazır oqytudyŋ būl ädısı 260-tan astam käsıporynnyŋ qatysuymen 29 kolledjde engızılgen. Käsıporyn qatysuşylaryn keŋeĭtu boĭynşa būl baǧytta jūmysty jalǧastyru kerek.
Mekemelerdı jöndeu jäne qosymşa jabdyqtau aiasynda «Jas maman» respublikalyq jobasy aiasynda 3 kolledj jaŋǧyrtyldy. IT, servis jäne qyzmet körsetu, tūrǧyn üĭ-tūrmystyq, kommunaldyq şaruaşylyq baǧyttary boĭynşa kadrlar daiarlau üşın qūzyret ortalyqtary qūryldy. 2021 jyly taǧy 5 kolledjdı zamanaui qūraldarmen jabdyqtau josparlandy.
«El basşylyǧy bılım salasyna erekşe köŋıl böledı: oqu üşın jaǧdaĭlar jasalady, pedagogtarǧa qoldau körsetıledı. Jastar kündelıktı eŋbekpen jäne bılımmen ǧana jetıstıkke jetuge bolatynyn tüsınuı tiıs! Eŋbek naryǧynda bılıktı kadrlar sūranysqa ie!» dedı qala basşysy Altai Kölgınov.
