Bas qalada äleumettık az qamtylǧan otbasylardan şyqqan balalarǧa arnalǧan taǧy bır Bilim all ortalyǧy jūmys ısteidı.
Bilim all oqu ortalyǧyn Esıl audanynda Strong Mothers Ns qoǧamdyq qory aşty. Mūndai ekı ortalyq osyǧan deiın Saryarqa jäne Baiqoŋyr audandarynda ornalasqan.
«Bügın bız üşınşı Bilim all bılım beru ortalyǧynyŋ aşyluynda tūrmyz. Ortalyqty Nūr-Sūltan qalasy äkımdıgınıŋ jäne demeuşılerdıŋ qoldauymen halyqtyŋ äleumettık osal toptarynan şyqqan adamdar, köpbalaly analar aşqany quantady. Būl halyqtyŋ äleumettık osal toptarynyŋ ökılderı öz biznesın damyta alatyndyǧyn däleldeidı. Būl jerde halyq üşın eŋ bastysy qoljetımdılık bar» dedı ortalyqtyŋ aşyluynda Nūr-Sūltan qalasy äkımınıŋ keŋesşısı Quanyş Moldabek.
Strong Mothers Ns qoǧamdyq qorynyŋ basşysy ärı äleumettık käsıpker Raigül Serıkbaevanyŋ aituynşa, ortalyqtar jelısın aşuǧa köpbalaly ana bolǧany ärı özınıŋ täjıribesı äser etken.
«Men aǧylşyn tılınıŋ ūstazymyn jäne serıktesterım de mūǧalım, sondyqtan bız bırge Bilim All jobasyn aşudy ūiǧardyq. Men, ana retınde, balalarymdy oqytuda qiyndyqtarǧa tap boldym: bärı qymbat jäne alys. Köpbalaly otbasylardan şyqqan balalardyŋ qoljetımdı qosymşa bılım aluyna mümkındıgı joq. Mūndai balalarǧa kömektesu menıŋ armanym boldy. Halyqtyŋ äleumettık osal toptaryna (HÄOT): köpbalaly otbasylardan şyqqan balalar, mügedektıgı bar jäne tolyq emes otbasylardan şyqqan balalar jatady» dedı qoǧamdyq qor basşysy.
