Qalada barlyǧy 108 mektep bar. Ortaşa jöndeu jūmystary 24 mektepte, al kürdelı jöndeu jūmystary 8 mektepte jürgızılıp jatyr. Aldaǧy 5 jylǧa 40 bılım beru nysanynyŋ qūrylysy josparlanǧan. Elordada 162 myŋ oquşy oqidy. Qyrküiek aiynda 1-synypqa taǧy 24 myŋ bala barady dep kütılude.
Jaŋa oqu jyly qarsaŋynda qala äkımı Altai Kölgınov elordalyq mektepterdı salu jäne jöndeu jūmystaryn tekserdı. «Köktal-2» tūrǧyn üi alabyndaǧy qosymşa ǧimarat №68 mekteptıŋ üş auysymda oqytu mäselesın şeşıp beredı. Ol 500 orynǧa eseptelgen. Ǧimaratta keŋ synyptar, ashana jäne sport zaly bolady. Balalar jaŋa korpusta oqu jylynyŋ basynan bastap ainalysa alady dep josparlanuda. Tek sport zaly eden jabynynyŋ jūmysyna bailanysty keiınırek tapsyrylady. Būrynǧy mektep ǧimaraty 2011 jyly 800 oquşy orynǧa salynǧan.
№40 mekteptıŋ qosymşasy 800 orynǧa, al mektep ǧimaratynyŋ özı 700 orynǧa eseptelgen. Paidalanuǧa jyl soŋynda berıledı. Mektepter jihazdarmen jäne tehnikalyq jabdyqtarmen qamtylǧan.
Mūnyŋ aldynda qala basşysy A.İmanov pen E.Brusilovskii köşelerınıŋ qiylysyndaǧy mektep pen «Michurin» tūrǧyn alabynda ornalasqan mektep qūrylystarynyŋ barysymen tanysqan bolatyn. Onyŋ aşyluy ekınşı toqsanǧa josparlanǧan.
№30 mektep-gimnaziiasy 40 jyldan astam uaqyt jūmys ıstep keledı, mekemede kürdelı jöndeu jūmystary bırınşı ret jürgızılude. Bılım oşaǧy ǧimaratynyŋ qasbetı jöndelıp, terezeler, esıkter auystyryldy, qabyrǧalar tegısteldı, jeldetkış ornatyldy. Sondai-aq onyŋ şatyryn jöndeu jūmystary jürıp jatyr. Sonymen qatar sumen qamtamasyz etu, elektr jüielerı retke keltırıldı, ört dabyly ornatyldy.
Osyndai jūmystar №32 mektep-gimnaziiasynda jürgızıldı. Merdıgerler ǧimarattyŋ barlyq batareialaryn, jaryqtandyru şamdaryn jäne edenderdı auystyrdy. Aumaqta qysqy uaqytta sportpen şūǧyldanu üşın hokkei korty bar.
Sondai-aq äkım mektepke deiıngı bılım beretın mekemelerdıŋ jol men injenerlık jelılerdıŋ qūrylysymen tanysty. Jalpy ūzyndyǧy şamamen 2 km qūraityn jaŋadan asfalt töselgen jol tūrǧyndar üşın oqu ornyna jetudı jeŋıldetedı. Ol jerlerde tūraq oryndaryn abattandyru jäne köşe jaryǧyn qosu jūmystary jürgızılude.
