Ǧasyr köşı alǧa ūzaǧan saiyn tehnikalyq progress joǧary qarqynmen damyp barady. Tıptı, bügın paida bolyp, halyqtyŋ qajetıne jaraǧan dünienıŋ özı jaŋaşa baǧytta özgerıp jatady. Osyndai qym-quyt şaqta är memleket şaşasyna şaŋ timegen jüirıktei zulap bara jatqan zamannyŋ köşınen qalmau üşın bes qaruyn sailanyp, uaqyt talabyna sai innovasiialyq jobalardy jüzege asyruǧa bılek sybanyp, bel buǧan. Bız de odan tysqary qalyp otyrǧan joqpyz.
TİIMDI JOBANYŊ JAŊAŞYLDYǦY
Ärıge barmai, ötken jyly elordalyq Bılım basqarmasymen bırıgıp, qalalyq №3 mektep-gimnaziiasy men №15 mektep-liseiınde jüzege asqan «Smart Astana» qanatqaqty jobasyn aitsaq bolady. Byltyr täjıribe retınde qolǧa alynǧan jobanyŋ igılıgı mol ekendıgın baiqaimyz. Sondyqtan, biylǧy jyly 80 mektepte atalǧan jobany engızu josparlanuda.
Aldymen ony «Astana Innovations» AQ-y jüzege asyryp otyr. Olar äuelı «Smart Astana» mobildı qosymşasyn ıske qosty. Sol arqyly «e-ashana», «e-kıtaphana» jäne beinebaqylau jüiesın engızdı. Jobany jetkızuşıler äuelı bılım mekemelerıne tüsındıru jūmystaryn ötkızdı. Sodan keiın baryp qolǧa alǧan. Ärine, bügıngı taŋda atalǧan ekı mektepte jaŋa jobanyŋ tiımdılıgı bar ma, älde joq pa degendei synaq jürgızılude. Bıraq, ata-analar tarapynan aqyldy qūrylǧyǧa degen qyzyǧuşylyq joǧary. Mäselen, barlyq oquşyǧa arnaiy kartochek berılgen. Sol arqyly är balanyŋ äke-şeşesı onyŋ mektepke qai kezde kelıp, qai uaqytta şyqqanyn bılıp otyrady. Sondai-aq, ashanadan qandai as alyp ışkendıgın, eger onyŋ densaulyǧyna ziiany bar tamaqtar bolsa, ata-ananyŋ kelısımınsız oǧan rūqsat etılmeidı. Oquşynyŋ kıtaphanadan qandai kıtap alǧany turaly mälımet jazylady. Bır sözben aitqanda, balasynyŋ mektep qabyrǧasynda ne ıstep, ne qoiǧandyǧyn bılıp otyrady. Nätijesınde, ata-analar tarapynan balalary turaly män-jaidy bılgısı kelıp soǧylatyn qoŋyraular da azaiǧan. Būl jerde oquşylardyŋ qauıpsızdıgı de mūqiiat baqylauda.
Ärine, bas qalanyŋ tūrǧyndary elordany intellektualdy jäne zamanaui aldyŋǧy şaharlardyŋ qatarynan körgısı keledı. Qyr astynda «EHRO 2017» halyqaralyq körmesı de tūr. Sondyqtan osyndai innovasiialyq jobalar arqyly elordalyqtardyŋ tūrmysy jeŋıldep, ömırı baiandy bola tüserı anyq.
OQUŞYLAR TASYMALY ARTADY
Soŋǧy jyldary tüitkıldı problemalardyŋ bırı bolyp sanalǧan mektep oquşylaryn tasymaldau mäselesı oŋ şeşımın tauyp keledı. Öitkenı, jyl saiyn qalanyŋ aumaǧy keŋeiıp, tūrǧyndar sany ösıp kele jatqandyqtan jol boiyndaǧy keptelıs oqiǧalary jiı beleŋ aluda. Sonyŋ azabyn qoǧamdyq kölıkpen mektepke qatynaityn oquşylar da tartuda.
Bügıngı taŋda qalalyq 11 mektepte oquşylardy tasymaldau ūiymdastyrylǧan. Oǧan 21 avtobus bölıngen. Tasymaldaudy №1, 2 jäne 3 avtopark mekemelerı jürgızedı. Qazırgı künde 1145 oquşy arnaiy kölıkpen tasymaldanady. Onyŋ ışınde, bırınşı auysymda – 923 oquşy bolsa, ekınşı auysymda – 492 bala jetkızıledı. Avtobustar bekıtılgen marşurt boiynşa qatynaidy.
Sondai-aq, qala äkımdıgınıŋ tapsyrysy boiynşa «Astana LRT» AQ-y «Astana School Bus» jobasyn jüzege asyrudy qolǧa aldy. Ol turaly «QazAqparat» halyqaralyq aqparat agenttıgıne bergen resmi saualynda «Astana LRT» AQ mälımdegen.
– Bügıngı taŋda qala mektepterınde 117 myŋnan artyq oquşy bılım alady. Şamamen, olardyŋ qyryq paiyzy koǧamdyq kölıkpen qatynaidy. Soǧan orai elordadaǧy mektep tasymaldaryn engızu jobasyn äzırleu boiynşa jūmys jürgızılude, – delıngen resmi jauapta.
Atalǧan jobanyŋ maqsaty – oquşylardyŋ tasymaldau qauıpsızdıgın qamtamasyz etıp, bılım ūiasynan şalǧai ornalasqan oquşylarǧa yŋǧaily jaǧdai jasau.
– Bügıngı taŋda osy jūmystardy jüzege asyru üşın ata-analar arasynda saualnama jürgızıp, pıkırlerın bıldık. Sondai-aq, halyqaralyq täjıribelerdı zerttedık. Endı baǧdar torabyn äzırleu jäne ūlttyq standarttar men Kedendık standarttarǧa säikes keletın jyljymaly qūram sanyn anyqtau boiynşa jūmys atqaryluda. Būl jobany biylǧy jyldyŋ qyrküiegınen bastap engızu josparlanǧan, – dep jazady «Astana LRT» kompaniiasy.
Azamat ESENJOL
