Astana qalasynyŋ Bılım jäne ǧylym salasyndaǧy baqylau departamentı «Bılım sapasyn memlekettık baqylau: damu tendensiialary, basymdyqtary, bolaşaǧy» atty döŋgelek üstel otyrysyn ötkızdı.
Şäkırtterdıŋ jetıstıkterın baǧalau, bılım beru sapasyna täuelsız taldau jürgızu Qazaqstan Respublikasynda bılım berudı damytudyŋ 2011-2020 jyldarǧa arnalǧan memlekettık baǧdarlamasynda qarastyrylǧan bolatyn. Astana qalasynyŋ Bılım jäne ǧylym salasyndaǧy baqylau departamentı basşysy Aitbai Äbdıbekov bılım sapasyn baǧalaudyŋ jaŋa jüiesı boiynşa atqarylǧan jūmystardy qorytyndylap, damyǧan elderdegı osy qyzmettıŋ oŋ täjıribesıne toqtalyp öttı.
Odan keiın söz alǧan Qazaqstan Respublikasy Bılım jäne ǧylym ministrlıgı Bılım jäne ǧylym salasyndaǧy baqylau komitetınıŋ basqarma basşysy Säule Qabimoldaeva, öz sözınde, äsırese, jekemenşık bılım beru oryndarynyŋ materialdyq bazasynyŋ älsızdıgı äser etpei qoimaityn jaǧdaida, täuelsız saraptamanyŋ ata-analar men tülekterge dūrys taŋdau jasauyna yqpaly mol ekenın eskerttı.
– Osyǧan deiın täuelsız, şynaiy baǧalau instituttary bolǧan joq. Oqu jetıstıgın qoǧamdyq bırlestıkterdı qatystyra otyryp syrttai baqylau jüiesı engızılgende taǧy bır tekseru organy paida boldy degendei oiymyz bolǧany ras. Alaida, uaqyt öte kele, mūndai baqylaudyŋ qajettılıgıne közımız jettı. Bılım beru sapasy, därejesı baǧalanyp, kedergılerdı joiudyŋ ädısın ızdep, oŋ nätijege jetudıŋ jolyn bırlese qarastyru – oquşylardyŋ bılım deŋgeiınıŋ artuyna, ūstazdardyŋ ızdenuıne alyp keledı. Saiyp kelgende bılım beru ısı jetıledı, – dedı №48 orta mekteptıŋ direktory Zäure Sadyqova.
Bılım sapasyn anyqtaudyŋ jaŋa täsılı – elımızdegı aldyŋǧy qatarly oqu oryndarynyŋ bedelın, jetıstıkterı men kemşılıkterın jariia türde körsetıp, qoǧamda şynaiy pıkır qalyptastyrady. Alqaly keŋeske jinalǧandar jaŋa jüie osy jaŋalyǧymen de tartymdy degen oi tüiındedı.
Aigül UAISOVA
