XXI ǧasyr – jyldam özgerıster ǧasyry. Jaŋaru, özgerudı kündelıktı ömırden körıp jürmız. Adam tärbiesı, tūlǧany qalyptastyru ısı de bır orynda tūrmaidy, ünemı ızdenıs, jetıldıru üstınde. Elordanyŋ ūstazdary, mektepterı qai jaǧynan da respublika mektepterıne ülgı bolyp otyrǧany belgılı. Osy oraida jaqynda Astana qalasy memlekettık mektepterı halyqaralyq bakalavriat baǧdarlamasy boiynşa ıs-täjıribesımen respublika kölemınde bölıstı.
Bererı mol şeberlık sabaqtary
Astana qalasy äkımdıgınıŋ «Ädıstemelık ortalyǧy» MKQK men №81 «Astana English School» halyqaralyq mamandandyrylǧan gimnaziiasy «Halyqaralyq Bakalavriat MYP jäne PYP: Qaǧidadan täjıribege» atty respublikalyq seminar ötkızdı.
Baǧdarlama aiasynda «Mektep qauymdastyǧy School community» atty körme ūiymdastyrylyp, «Pedagogikalyq järmeŋke» taqyrybynda aşyq sabaqtar, «Pedagogikalyq şeberhana» şeber-synyptar, «Poster session: Yntymaqtastyq Collaboration» poster sessiiasy jäne «READh», TEDx AES söz şeberı jobasynyŋ tanystyrylymy öttı.
Seminarǧa Astana qalasy Bılım basqarmasynyŋ basşysy Q.Senǧazyev, Y.Altynsarin atyndaǧy Ūlttyq bılım akademiiasy Ädıstemelık qyzmettı üilestıru jäne pedagogty käsıbi damytu ortalyǧynyŋ direktory E.Jūmaşov, Respublikalyq «Daryn» ǧylymi praktikalyq ortalyǧynyŋ direktory G.Tūrsynov, respublika kölemınde bılım beru ūiymdarynyŋ basşylary men qyzmetkerlerı qatysty.
«2019 jyldan bastap halyqaralyq IB avtorizasiialau baǧdarlamasynyŋ jüzege asyryluy Astana qalasynyŋ 6 memlekettık bılım beru ūiymynda bastau aldy. Halyqaralyq Bakalavriat PYP – bastauyş (1-4 synyptar), MYP – negızgı orta bılım beru (5-9 synyp) baǧdarlamalary boiynşa №№66,73,81,85 mektepter kandidat retınde jūmys jasady. Ärbır bılım beru ūiymyna IB baǧdarlamasynyŋ halyqaralyq konsultanttary bekıtılgen» dedı Astana qalasy Bılım basqarmasynyŋ basşysy Q.Senǧazyev özınıŋ baiandamasynda.
Maqsat – bäsekege qabılettı jastar tärbieleu
Bügıngı taŋda №81 «Astana English School» gimnaziiasy IB Halyqaralyq Bakalavriat baǧdarlamasy boiynşa avtorizasiiadan ötıp, düniejüzılık halyqaralyq mektep märtebesın aldy. Qalǧan 3 mektep jıberılgen qūjattardyŋ nätijesın kütude. Aǧymdaǧy jyly №81 mektep-gimnaziiasy DP – joǧary bılım beru (10-11 synyp) baǧdarlamasymen jūmys jasauǧa kandidattyqqa ümıtker retınde tırkeldı. Baǧdarlamanyŋ negızgı maqsaty – jahandyq deŋgeidegı bäsekege qabılettı, kreativtı jäne joǧary mädeniettı tūlǧa tärbieleu. Baǧdarlamaǧa jūmsalatyn qarajat Bılım basqarmasy biudjet esebınen qarjylandyrylady. Qazırgı taŋda IV baǧdarlamasy boiynşa bılım aluşylar sany – 10 188 jäne 274 pedagog arnaiy kurstan ötıp sertifikattaldy.
Aita ketu kerek, 2021-2022 oqu jyly 11 synyptan 50 oquşy Aielts (IELTS) testın tapsyryp, joǧary ball jinasa, 2022-2023 oqu jyly 11 synyptan 61 oquşy Aielts (IELTS) testın tapsyryp, joǧary ballmen körındı. Sonymen qatar Aielts (IELTS) emtihanyn tapsyrǧan 9 pedagog jaqsy nätijeler körsettı. Baǧdarlama aiasynda oquşylar halyqaralyq deŋgeidegı olimpiadalar men baiqaularǧa qatysyp, jüldelı oryndarǧa ie bolyp jür. Seminardy ötkızudegı basty maqsat ta sol – osy halyqaralyq baǧdarlamamen jūmys jasaityn mektepterdıŋ täjıribesımen tanystyru.
Bügıngı elordalyq ūstazdar qazaqstandyq pedagogikalyq dästürlerdı saqtai otyryp, zamanaui ädısterdı, innovasiialyq äzırlenımderdı oqytu prosesıne ūtymdy engızıp, özge ärıptesterge ülgı bolyp keledı.
Jüielı de nätijelı atqarylǧan jūmystardyŋ jemısı – pedagogtardyŋ käsıbi bılıktılıgımen oquşylardyŋ bılım sapasy arqyly naqty körınıs berude. Bügıngı seminar sonyŋ naqty körınısı bolmaq. 2 kündık seminarda sızder joǧaryda atalǧan 4 memlekettık mekteptıŋ oquşylar men pedagogtarynyŋ IB baǧdarlamasy boiynşa sabaqtaryna qatysyp, äzırlegen jobalarymen tanysyp öz pıkırlerıŋızben bölısedı degen oidamyn, –dedı Q.Senǧazyev öz sözınde.
Halyqaralyq deŋgeidegı qazaq mektebı
«1200 orynǧa arnalǧan №81 «Astana English School» mamandandyrylǧan gimnaziiamyz 2015 jyly boĭ köterıp, 1 qyrküiekte oquşylarǧa esıgın aĭqara aşqan edı. Bügıngı taŋda älemdık deŋgeide bäsekege qabılettı bola alatyn ziiatker ūrpaq tärbieleude qazaq-aǧylşyn tılınde bılım beretın bılım ordasyna ainalyp otyr. Alǧaş aşylǧan jyly gimnaziiany 150 oquşymen aiaqtasaq, qazırgı taŋda oquşylardyŋ sany 1058-ge jetıp otyr» dedı №81 Halyqaralyq «Astana English school» mamandandyrylǧan gimnaziiasynyŋ direktory Gülnar Sadyqova.
2021 jyldyŋ mausym aiynda №81 «Astana English School» gimnaziiasy Halyqaralyq Bakalavriat baǧdarlamasy boiynşa avtorizasiiadan ötıp, MYP – negızgı orta bılım beru baǧdarlamasy rūqsat etılgen düniejüzılık halyqaralyq mektep märtebesın aldy, iaǧni oqu oşaǧy elımız boiynşa tūŋǧyş ret halyqaralyq deŋgeidegı tūŋǧyş memlekettık mekeme sanalady.
«Bügıngı künı gimnaziiada qyzmet etıp jatqan käsıbi şeberlıgı qalyptasqan, täjıribesı mol, bılıktı pedagogtardyŋ jalpy sany – 112, onyŋ ışınde 13-ı – şetel mamany. Jyl saiyn akademiialyq därejege ie pedagogtar sany ūlǧaiuda. Mektep aşylǧannan bergı kezeŋmen salystyrǧanda, ǧylym kandidattarynyŋ sany 1 adamǧa, Phd doktorlardyŋ sany 2 adamǧa jäne magistrlerdıŋ sany 30 adamǧa ūlǧaidy. Jalpy şeteldık kadrlardy tartu jūmysy jalǧastyryluda. Şeteldık mūǧalımder jergılıktı ärıptesterımen bırlese jūmys ıstei otyryp, olarǧa pänderdı aǧylşyn tılınde oqytuǧa qoldau körsetedı, sabaq pen täjıribenı bırıgıp zertteidı.
Bılımdı balalar – el bolaşaǧy
Bolaşaqta elımızge bılımdı ūrpaq kerek ekenın eskersek, al sol bılım kıltı – barlyq naqty ǧylymdardyŋ negızın meŋgerude jatyr. Mektebımızdıŋ ärbır şäkırtı ūstazdarynyŋ senımın aqtap keledı. Bılım ordasynyŋ jyl saiynǧy jetıstıkterı – sonyŋ aiǧaǧy. Gimnaziiamyzdyŋ 437 oquşysy halyqaralyq jäne respublikalyq olimpiadalar men ǧylymi joba jarystarynda, türlı öner baiqaulary men sport jarystarynda jüldeger atanyp, tülekterdıŋ 100%-y elımızdıŋ jäne şeteldıŋ üzdık joǧary oqu oryndaryna tüstı. Gimnaziia Amerikanyŋ eŋ tanymal oqu orny Vaşington akademiiasymen serıktes jäne onyŋ resmi ökılı bolyp tanyldy. Halyqaralyq ūĭymdarmen ekı arada «Global Scholars» jobasynyŋ üĭlestıruşısı retınde, sondaĭ-aq IýNESKO-men qolaĭly bılım beru ortasy mäselelerı boĭynşa ärıptestık yntymaqtastyq baĭlanys ornatyp otyr. Gimnaziianyŋ basty erekşelıgı – jaratylystanu baǧytyndaǧy pänderdıŋ aǧylşyn tılınde oqytylatyndyǧy. Bılım ūiamyz mamandandyrylǧan gimnaziia bolyp aşylyp, 2021 jyly Qazaqstan boiynşa eŋ alǧaşqy memlekettık qazaq mektebı Halyqaralyq bakalavriat märtebesın aldy, 2022 jyly säuır aiynda mektep atauy №81 Halyqaralyq «Astana English school» mamandandyrylǧan gimnaziiasy bolyp özgertıldı.
«Halyqaralyq Bakalavriattyŋ negızgı missiiasyna sai gimnaziiamyzdyŋ öz missiiasyn jasap şyǧardyq. Osy missiia boiynşa mekteptıŋ barlyq qatysuşylary mädenietaralyq tüsınıstık, üzdıksız bılım aluǧa jäne joǧary adamgerşılık qūndylyqtardy damytuǧa baǧyttalǧan ziiatkerlık qoǧamdy tärbieleuge ūmtylady. Būl seminarda ärıptesterımız mektep ūstazdarynyŋ aşyq sabaqtary men şeber-synyptaryna qatysyp, täjıribe almasyp, pedagogtar özderıne tyŋ ideialar alady degen oidamyn» dedı gimnaziia direktory. Astana qalasynyŋ ūstazdary – elımızdegı barlyq ūstazdar qauymyna mektep qandai boluy kerek, ūstaz qandai boluy kerek, oquşy qandai boluy kerek degende ülgı tūtar, aldyŋǧy qatarly, üzdıkter ekenın maqtanyşpen aituymyz qajet, bügıngı seminar – sonyŋ aiǧaǧy!
