Elordalyq medisinalyq mekemelerınıŋ bırınde eŋbek jolyn bastaǧan därıgerlerdıŋ jalaqysy 70 myŋnan bastalady eken. Araǧa jyldar salyp eŋbek ötılın qosyp, bılıgı men sanatyn kötergende ǧana 150 myŋ teŋgege juyqtaidy. Osy rette käsıpodaq därıgerlerdıŋ jalaqysyn köteru mäselesıne belsene aralasyp, eŋbekaqy jüiesınıŋ bastamaşysy jäne tıkelei äzırleuşısı boldy.
2011 jyldan bastalǧan būl üderıstıŋ nätijesı 2016 jyly belgılı bolyp, medisina qyzmetkerlerınıŋ ailyq jalaqysy paiyzdyq qatynasta 7-den 28 paiyzǧa östı. Būl da qazırgı zamanǧy käsıpodaq qyzmetı jeŋısınıŋ bır körınısı edı. Ol qazır «Qazaqstandyq densaulyq saqtau qyzmetkerlerınıŋ salalyq käsıptık odaǧy» qoǧamdyq bırlestıgı atalyp, tek Nūr-Sūltan qalasynda alpystan astam medisinalyq mekemelerdı bırıktırıp otyr.
Elımızdegı özgerıster men saladaǧy reformalar nätijesınde 2009 jyldan bastap medisinalyq ūiymdar şaruaşylyq jürgızu qūqyǧyna ie boldy. Būl rette mekeme basşylary şyǧyndardy barynşa qysqartuǧa küş salatyny belgılı. Käsıpodaqtardyŋ bılek sybanyp kırısken tūsy osy dep aituǧa bolady. Eŋbek ūjymdarymen salalyq kelısımge qol qoiu arqasynda eŋbek demalysynda sauyqtyru qarajatyn sol küiınde qaldyruǧa qol jetkızdı. Qyzmetkerlerdıŋ 30 kündık negızgı demalysyn saqtap qalyp, qosymşa ekı apta käsıpodaq atynan qosyldy. Sauyqtyru qarajaty därıgerlermen bırge kışı medisinalyq personaldarǧa da berıletın boldy.
Käsıpodaq qyzmetınıŋ endıgı bır tarmaǧy eŋbek qatynasyn retteu ısınde körınedı. Äkımşılık mäseleler boiynşa tegın zaŋ qyzmetı, sonyŋ ışınde sottarda qorǧau da qarastyrylǧan. Mūndai jaǧdaida materialdyq jäne psihologiialyq qoldau, advokattar eŋbegıne töleu de bar.
Nūr-Sūltan qalasyndaǧy №2 qalalyq balalar auruhanasynyŋ jaŋa ǧimaratynda jūmysyn bastaǧaly alty jyl boldy. Ortalyqqa köşkenge deiıngı balalar auruhanasynyŋ ırgesı qalanǧanyna 26 jylǧa ketıp barady.
Svetlana Äbdırovanyŋ osy auruhanada eŋbek etkenıne otyz jyl tolyp otyr. Osy jyldary käsıpodaq jetekşısı retınde de, ardager esebınde de ūjymnyŋ ūiytqysyna ainalyp keledı.
«Adamdarmen jūmys ısteu oŋai emes. Olar saǧan senım körsetıp, öz jaǧdaiymen bölıskennen keiın jauapkerşılıgıŋ üstemelenedı. Jaişylyqta şaǧyn ortada, ekı adammen qatar otyrǧanda aşylyp köp söilei almaimyn. Bıraq qolyma mikrofon alyp, barşa ūjymnyŋ aldyna şyqqan kezde menı toqtatu qiyn. Tıptı sonşama jyly sözderdıŋ qaidan qūiylyp jatqanyn da tüsınbeimın. Auruhanamyzdyŋ bır qyzmetkerınıŋ basyna ıs tüsıp, ne jaǧymdy jaŋalyǧy bolsa, aldymen estıp, ortasynda jüremız. Soŋǧy jyldary otbasylyq mäselelerge zeiın qoiyp jürmız. Menıŋ äkem jetımder üiınde ösken, qazaq bolsa da atyn Anatolii dep atai salǧan ǧoi. Äkemnıŋ bır qasietı köpşıl, ne bolsa da ainalasymen bölıskısı kelıp tūratyn qasietı menıŋ boiymda da bar. Osydan ekı jyldai būryn käsıpodaq federasiiasy da ekıge bölınıp, ortasyna syna tüstı deuge bolady. Ony resmi käsıpodaq bäsekelestık artady dep aityp aqtaldy da. Söite tūra osy kezeŋge deiın on sausaqtai jūmylyp, jūmys ıstep tūrǧan ūiymdy öz qataryna qosu äreketterı batyl jürgızıldı» dep sözın bastady Svetlana Anatolevna.
Jaŋa käsıpodaq tarapynan äkımgerlık qyspaqqa tüsken Svetlana Äbdırova ūjymnyŋ taŋdauy bolady, öz erıkterımen şeşıledı dep, 570 adamnan tūratyn ūiymyn da, öz baǧytyn da qorǧap qalady. «Senım» atalatyn jaŋa odaq ta jūmysyn jürgızıp jatyr. Bır qyzyǧy, barlyq mädeni şaralardyŋ ortasynda, jabyqqan men jany qinalǧandardyŋ janynda jüretın Svetlana bastaǧan käsıpodaq 144 müşesı bar «Senımdegıler» halyqpen qoltyqtasa jürudı artyq dep şeşıptı.
Ärine, käsıpodaq jūmysyna baǧa bermeimız, degenmen osy ūiymdy ırılendırudıŋ ornyna älsıretuge baǧyttalǧan būl özgerıstıŋ astarynda ne jatqanyn kım bılsın?! Bıraq S.Äbdırovanyŋ öz qyzmetı özıne aiqyn. Käsıpodaq tarapynan körsetıletın jeŋıldıkter qataryn arttyruǧa barlyq resurstardy qosuda. Därıgerler de auyrady. Olardyŋ barlyq zertteu-taldaularyna jeŋıldık qarastyrylǧan. Sporttyq-sauyqtyru şaralaryna qyzmetkerlerdı tartu, SPA salondarǧa, fitnes zaldaryna tegın abonement tauyp, demeuşılerdı ūiymdastyru – Svetlana bastaǧan käsıpodaq belsendılerınıŋ mındetı. Jas mamandarǧa qamqorlyq, ardagerlerge qūrmet körsetu, memlekettık-ūlttyq merekeler käsıpodaqsyz ötpeidı. Käsıpodaq qarajaty esebınen sauyqtyru oryndaryna, teatrlar men konsertterge baruǧa bilet bölınedı.
Mūny, bır jaǧynan alyp qaraǧanda, osylai boluǧa tiıstı dep te qarauǧa bolatyn jait deuge bolady. Degenmen tūrmys jaǧdaiy tömen adamdy jyldap qamqorlyqqa alyp, kietın kiımı men ışetın tamaǧyna da qolǧabys berude ūjymnyŋ bır kısıdei jūmyluy – maqtauǧa tūrarlyq.
Jyl saiyn qyzmetkerlerdıŋ mektepke baratyn balalaryna kıtap-qalamyn alyp berıp, köpşılık aldynda tabys etu de ūjymdy jaqyndastyrady. Osy mekemede ūzaq jyldar jūmys ıstep, zeinetke şyqqandar da ūjym tırlıgınen tysqary qalmaidy. Mügedekterdı de Qarttar künıne qatar qūttyqtap, elep otyrady. 20 jyldan astam eŋbek etken qyzmetkerlerge bes kündık sanatoriige tegın joldama, köpbalaly analarǧa qosymşa eŋbek demalysyna üş kün qosyp alyp, qysqarǧan eŋbek künın ūiymdastyru – käsıpodaq qamqorlyǧynyŋ nätijesı. Auruhananyŋ jertölesınde qalalyq käsıpodaqtyŋ qarjylai kömegınıŋ arqasynda trenajerler ornatylyp, jūmystan qoly qalt etkende därıgerlerdıŋ jattyǧatyn ädetıne ainaldy.
Balalar mekemesınde jūmys ısteitın bolǧan sebeptı qyzmetkerlerdıŋ jūmysqa qatynasy erekşe boluy tiıs. Därıgerlerdı barlyq jaǧynan qoldap, olardyŋ jūmys ısteu qabıletın köteru ūjymnyŋ ışkı tırlıgıne de bailanysty. Olar balalardy sauyqtyruǧa bar küşın salsa, därıgerler men medpersonaldardyŋ jūmys ornyna jaǧdai jasap, ömırın sauyqtyrudy käsıpodaq moinyna aldy. Käsıpodaqtyŋ jūmysy myqty bolǧanda, mamandar üşın de alaŋdamauǧa bolady. Qyzmet sapasy öz biıgınde bolmaq. №2 qalalyq balalar auruhanasynyŋ käsıpodaq jūmysymen tanysqanda osyndai oiǧa keldık.
