Keşe qalalyq äkımdıkte «Skoda transportation» lokomotiv qūrastyru zauytynyŋ ökılı, Ortalyq Aziia öŋırındegı satu jönındegı direktory Roman Sorokin «Qazaqstan temırjoly» AQ-pen jäne äleuettı jeke ärıptesımen kezdesu ötkızdı.
Kezdesude qazaqstandyq serıktespen bırlesken käsıporyn aşu mäselesı talqylandy. Būdan bölek, cheh tarapy memlekettık-jekemenşık ärıptestık jobalaryna qatysu mümkındıkterın qarastyruda. «Skoda transportation» – «Škoda Holding» holdingınıŋ qūramyndaǧy lokomotiv qūrastyru konglomeraty. Zauyt Chehiianyŋ Plzen qalasynda ornalasqan. Onda auyr maşina jasauǧa qajettı ärtürlı önerkäsıptık önımder, negızınen, temırjol kölıgınıŋ jyljymaly qūramy şyǧarylady.
Onlain-kezdesu barysynda taraptar Nūr-Sūltan qalasynda bırlesken öndırıstık käsıporyn qūru üşın aitarlyqtai qyzyǧuşylyq tanytty. «Qazaqstan temırjoly» AQ ökılderımen onlain-kezdesu barysynda Qazaqstan temırjoldary üşın jaŋa kölık şeşımderı ūsynyldy. Qazaqstan tarapynyŋ ökılderı ūsynylǧan jyljymaly qūramdardy satyp aluǧa qyzyǧuşylyq tanytty. Alaida kölıktıŋ Qazaqstannyŋ aua raiy jaǧdailaryna daiyndyǧyn jäne barlyq normativtık talaptarǧa säikestıgın mūqiiat zerdeleu qajet.
