Memleket basşysy elektrondyq-optikalyq qūrylǧylar şyǧaratyn «Qazaqstan Aselsan injiniring» qazaq-türık bırlesken käsıporny qyzmetımen de tanysty. Keleşekte zauyt kündız jäne tünde köruge arnalǧan äskeri optikalyq qūrylǧylar jasap şyǧarady.
Jobanyŋ qūny – 4,5 mlrd teŋge. 2014-2015 jyldary linzalar öndırısı boiynşa montajdau jūmystary jürgızılmek. Kelesı jyly tolyq öndırıstık quatqa köşken kezde zauyt jüz adamdy jūmyspen qamtidy. Al, bolaşaqta azamattyq jäne äskeri salada qoldanylatyn elektrondyq plattar şyǧaru auqymyn arttyrmaqşy.
Memleket basşysy Qazaqstanda mūndai joǧary tehnologiialyq öndırıs qūrudyŋ maŋyzdylyǧyn erekşe atap öttı. Käsıporyndy aralau barysynda Astana qalasynyŋ äkımı İmanǧali Tasmaǧambetov «Astana – jaŋa qala» industriialyq parkı – arnauly ekonomikalyq aimaǧy jūmysynyŋ nätijelerı turaly baiandady. Elorda basşysynyŋ aituynşa, arnauly ekonomikalyq aimaqta investisiialyq qūny 181 mlrd teŋgenı qūraityn 49 joba tırkelgen. Sonyŋ on bırı jūmysyn tabysty jalǧastyryp keledı. «Jalpy alǧanda, park aumaǧyndaǧy käsıporyndar 2010-2013 jyldar aralyǧynda 182 mlrd teŋgenıŋ önımın öndırdı. Būl – jalpy qalalyq öndırıs kölemnıŋ 36 paiyzy. Eger 2010 jyly qalanyŋ öndırıs önımı 111 mlrd teŋgenı qūrasa, İndustrialdy park nysandary paida bolǧaly berı būl körsetkış ekı esege östı. Al, olardan tüsetın salyq tüsımı 18 mlrd teŋgenı qūrap otyr» deidı İ. Tasmaǧambetov.
Gülmira AIMAǦANBET
