Juyrda Astana qalasynyŋ äkımı Jeŋıs Qasymbek pen Astana mäslihatynyŋ töraǧasy Erlan Kanalimov elorda Ardagerler keŋesınıŋ plenumyna qatysty. Būl turaly Erlan Kanalimov özınıŋ äleumettık jelıdegı paraqşasynda jazdy.
«Bügıngı taŋda Astanada 100 myŋnan astam zeinetker, sonyŋ ışınde 10 ŪOS ardagerı, 1544 tyl eŋbekkerı tūrady. Elordamyzdyŋ qart tūrǧyndary üşın qazırgı taŋda ömır süru sapasyn arttyru baǧytynda keşendı ıs-şaralar jüzege asyryluda. Belsendı ūzaq ömır süru, sondai-aq äleumettık qyzmet körsetu ortalyqtary aşyluda. Astana qalasynyŋ äkımımen bırge qalalyq Ardagerler keŋesı plenumynyŋ jūmysyna qatystyq. Kezdesude ardagerler ūiymynyŋ Astana qalasynyŋ mäslihatymen jäne äkımdıgımen sanitarlyq-kurorttyq emdeu, tıs protezdeu qyzmetın körsetu, tūrǧyn üilerdı gazdandyru, otyn satyp alu kezınde äleumettık kömek taǧaiyndau, Jeŋıs künı men Qarttar künıne bırjolǧy tölemder mäselelerıne qatysty jemıstı yntymaqtastyǧymyz atap ötıldı. Deputattardyŋ Ardagerler keŋesımen bırlesken jūmysy odan ärı jemıstı jalǧasatynyn atap ötkım keledı» dedı qalalyq mäslihat töraǧasy.
