Täuelsızdıkke qol jetkızgen alǧaşqy jyldardan bastap elımızde tatulyq pen kelısımdı damytyp, el qauıpsızdıgı men beibıtşılıgın qorǧau, etnosaralyq jäne konfessiiaaralyq tūraqtylyq pen yntymaqty, kelısım men tynyştyqty saqtau ısıne jıtı köŋıl bölınıp keledı. Sondyqtan bolar, senımı men közqarasy äraluan ūlt pen ūlys ökılderı tatu-tättı, berekelı bırlıkte ömır sürude. Elımızdegı būl jaǧdaidy älemge tanylǧan memleketter etnikalyq üilesımdıktıŋ qazaqstandyq ülgısı dep joǧary baǧalady.
Bügınde tılı men dılı, dını men salt-dästürı ärtürlı köp ūlttardyŋ bır şaŋyraq aiasynda tatu tättı ömır süruı – el bırlıgınıŋ aiǧaǧy. Yntymaq pen dostyqty qadırlep, tatulyq saltyn tu etken beibıt halqymyz osy uaqyt aralyǧynda şeksız tabystarǧa qol jetkızıp qana qoimai, nebır ūlttar men ūlystardyŋ basyn qosty. Prezident memleketımızdıŋ tūraqty ärı qarqyndy damuy oŋtaily saiasat pen osy bırlıktıŋ arqasy ekenın aityp, ūlttar dostyǧynyŋ tamyry tereŋ, tını berık bolaryna ülken senım bıldırdı.
Qazaqstandaǧy auyzbırşılık pen kelısımnıŋ, tūraqtylyq pen tynyştyqtyŋ şaŋyraǧy – Qazaqstan halqy assambleiasy qazırgı künı etnosaralyq qarym-qatynasty damytudyŋ ırgelı institutyna ainala bıldı. Qūrylǧan künnen bastap demokratiialyq qoǧamnyŋ negızın qalauşy qūndylyqtardy damytyp keledı. Jalpy, elımızde 800-den astam etnomädeni birlestik qūrylsa, onyŋ otyzǧa juyǧy respublikalyq därejedegi ūiym bolyp sanalady. Elordada qūrylǧan etnomädeni bırlestıkter respublikamyzdy mekendeitın ūlttardyŋ salt-dästürlerı men tarihyn jäne mädenietın nasihattap keledı. Jas ūrpaqty taǧattylyqqa jäne ūltaralyq yntymaqqa tärbieleu ısınde nemıs, poliak, korei, tatar-başqūrt, ukrain, şeşen-inguş, qyrǧyz, äzerbaijan, armian jäne t.b ūlttardyŋ jeksenbılık mektepterınıŋ maŋyzy zor. Tili men mädenietin damytu mümkindigıne ie bolyp otyrǧan özge ūlt ökılderı öz kezegınde qazaq halqynyŋ mädenietıne, tarihyna yqylas tanytuda. Aitalyq, ūlttyq mäseleniŋ özektisi til desek, memlekettik tilge erekşe qoldau tanytyp, şyn nietimen üirenıp jürgen ūlt ökilderi Astanada jiı kezdesedı. Büginde kez kelgen birlestik qazaq tiliniŋ qajettiligin tüsinedi. Qūrylǧanyna 20-25 jyl bolǧan etnomädeni birlestikterdiŋ işinde qazaq tılınde erkın söileitınder jetıp artylady. Būl rette Astana qalasy Qazaqstan halqy assambleiasy etnomädeni birlestikterdiŋ yntymaǧyn nyǧaityp qana qoimai, jüktelgen mındetterge barynşa jauaptylyq tanytyp keledı.
Elbasymyzdyŋ «Qazaqstandaǧy qoǧamdyq kelısım, eŋ aldymen, qazaqtyŋ kelısımı ekenın myqtap este ūstaǧan abzal. Tatulyq pen tūraqtylyq el iesı retınde eŋ aldymen qazaqqa kerek. Qazaqtyŋ yntymaǧy men bırlıgı myqty bolmaiynşa, memlekettıŋ tūtastyq kelbetın saqtau mümkın emes. Halqymyz «tar jerde tabysqan, keŋ jerde kelısedı» demeitın be edı?! Eŋ tar zamandarda qazaq qūşaǧyna alǧan özge etnos ökılderı bügınde öz bauyrlarymyz atanyp, bızben bır halyqqa ainaldy» degenı esımızde. Öitkenı, ūrpaqtan ūrpaqqa auysyp kele jatqan dästür men sabaqtastyq arqyly qoǧamdaǧy auyzbırşılık pen tūraqtylyqty nyǧaitu – elımızdı örkendetu jolyndaǧy basty qyzmet.
