Qarjylyq monitoring agenttıgı töraǧasynyŋ orynbasary Jeŋıs Elemesov Bişımbaevtar otbasynyŋ aktivterıne qatysty pıkır bıldırdı, dep habarlaidy astana-akshamy.kz
Mäjılıs kuluarlarynda agenttık sottalǧan Quandyq Bişımbaevtyŋ otbasynyŋ aktivterın tekseru turaly petisiiaǧa qanşalyq nazar audaratyny sūraldy.
«Jaraidy, mındettı türde nazar audaramyz. (…) Petisiianyŋ nätijelerın kütıp, bır jaǧynan būl mäselenı qarastyramyz. Būǧan mındettı türde nazar audaramyz. Uaiymdamaŋyzdar, sızderge mındettı türde habarlaimyz», – dedı agenttık ökılı.
Onyŋ aituynşa, bügıngı taŋda QMA Bişımbaevtar otbasyna qatysty ısterdı tergep jatqan joq.
«Bızde tırkelgen qylmystyq ıster joq. Bıraq zaŋsyz satyp alynǧan qylmystyq kırıster boiynşa tekserısterdı tūraqty jürgızemız. Būl jūmystar bızde, eger qylmystyq jolmen alynǧan jäne zaŋdastyrylǧan qandai da bır zaŋsyz kırıster şyqsa, bız olardy mındettı türde qylmystyq jauapkerşılıkke tartamyz», – dedı Elemesov.
