«Taza Qazaqstan». Astana – tazalyq pen tärtıptıŋ ülgısı» ekologiialyq aksiiasynyŋ aiasynda şaǧyn futboldan ūlttyq qūramanyŋ bas bapkerı Rikardo Kaka men mesenat Talǧat Qojahmetov Qazaqstan futbol federasiiasy aumaǧynda köşet otyrǧyzu ıs-şarasyna qatysty, dep habarlaidy astana-akshamy.kz
Olar otandyq sportty damytuǧa zor üles qosyp keledı. 2018 jyly ūlttyq qūramanyŋ bas bapkerı retınde taǧaiyndalǧan Rikardo Kaka 2021 jyly Litvada ötken älem chempionatynda Qazaqstandy alǧaş ret jartylai finalǧa jetkızgen bolatyn. Tek penalti seriiasynda Portugaliiadan jeŋılgenı bolmasa, tıptı finalǧa şyǧuǧa säl ǧana jetpegen.
«Prezidentımızdıŋ bastamasymen qolǧa alynǧan «Taza Qazaqstan» aksiiasy ideiasynyŋ mänı zor. Sebebı öz üiınıŋ tazalyǧy özgege emes, bırınşıden, özımızge kerek. Tanymal kısılerdıŋ osyndai aksiialarǧa qatysuy soŋymyzdan ergen jas ūrpaqqa da äser etedı dep oilaimyn. Qazırgı sätte 26 mamyr künı Samarqandta ötetın älem chempionatynyŋ jerebesıne baruǧa daiyndalyp jatyrmyz. Yŋǧaily, qolaisyz qarsylas dep eşkımdı bölıp-jarǧym kelmeidı. Tobymyzǧa kım tüsse de, barymyzdy salamyz. Äleuetımızdı bıle tūryp, tek toptan şyǧu nemese 1/8-de oinau degen sekıldı mındetterdı qoimaimyz. Maqsatymyz aiqyn. 2021 jylǧy joǧary jetıstıgımızden de asyp tüskımız keledı. Jeŋıste bırge bolatyn janküierler, elımızdıŋ tazalyǧyna da bırge atsalysaiyq», – dedı Rikardo Kaka.
Aita ketsek, 6 jyl ışınde bas bapkerımızdıŋ tūsynda qūramamyz 33 oiyn (26 jeŋıs, 3 teŋ, 4 jeŋılıs) ötkızgen.
Al «Sairan» JŞS qūrylys kompaniiasynyŋ bas direktory Talǧat Qojahmetov şaǧyn futboldy tanytu maqsatynda bırneşe alaŋdy salyp bergen.
«Menıŋ bıluımşe, elımızdegı ormannyŋ ülesı 4-5 paiyzdy ǧana qūraidy. Būl nenı bıldıredı? Iаǧni, aǧaşty bır sättık aksiiada ǧana emes, tūraqty türde otyrǧyzu kerektıgımızdı aiqyndaidy. Būǧan deiın de Tūŋǧyş Prezident Astana qalasynyŋ ainalasynda köşet otyrǧyzyp, bügınde «Jasyl beldeudıŋ» qyzyǧyn tūrǧyndar körıp jatyr. Qazaqstan futbol federasiiasynyŋ janynda şaǧyn futbolymyzdy älemge tanytqan Kakamen bırge köşet otyrǧyzu da – ülken märtebe. Keiıngı jas ūrpaq osy aǧaşty tanymal bapker otyrǧyzdy dep eske alyp jüredı», – dedı mesenat Talǧat Qojahmetov.
Esterıŋızge salsaq, 8 säuırde bastau alǧan respublikalyq aksiia älı de jalǧasyn tabuda.
