BİYLǦY BIýDJET QAITA QARALDY
Jyl soŋy taianǧanda elorda biudjetıne özgerıs engızıldı. Keşe mäslihattyŋ kezekten tys onynşy sessiiasynda deputattar bas qalanyŋ qarjylyq ahualyn pysyqtap, äuelgı josparǧa bırşama özgerıster men tolyqtyrular engızdı. Astananyŋ ämiianyndaǧy aqşa söz bolǧan jiynǧa deputattarmen bırge qala äkımınıŋ bırınşı orynbasary Sergei Horoşun qatysty.
Deputattardyŋ kezekten tys sessiiaǧa jinaluyna türtkı bolǧan da osy biudjet mäselesı. Naqty aitsaq, jaqynda QR «2012-2014 jyldarǧa arnalǧan respublikalyq biudjet» turaly zaŋyna özgerıster men tolyqtyrular engızıldı. Biudjet jobasy naqtylanyp, nätijesınde Astana qalasynyŋ biudjetıne respublikalyq biudjetten 15 384 060 myŋ teŋge transfertter bölu qarastyrylǧan. Sondai-aq, qaita bölu esebınen jalpy somasy 5 595 564 teŋge transfert qysqartyldy.
– Būdan bölek, biudjettıŋ būl naqtylanuynda Astana qalasy biudjetınıŋ kırıs bölıgın köbeitu men jürgızılgen monitoring negızınde jekelegen biudjettık baǧdarlamalardyŋ qarjysyn qaita qarastyru közdelıp otyr. Atalǧan qarjyny elordanyŋ damuy men kezek küttırmeitın äleumettık mäselelerdı şeşuge baǧyttaudy ūsynamyz, – dedı Ekonomika jäne biudjettık josparlau basqarmasynyŋ bastyǧy Janat Nūrpeiısov.
Qaŋtar jäne qazan ailarynda qala biudjetınıŋ özındık kırısı 108 paiyzǧa oryndalǧan. Äuelgı josparda 73 205,7 mln teŋge bolady dep boljanǧan-dy. Bügıngı körsetkış 79 036,1 mln teŋgenı körsetıp otyr.
Jospardyŋ artyǧymen oryndaluyn salyqtan tüsken tüsım (4 608,6 mln teŋge) qūrap otyr. Osyny negızge alǧan Janat Nūrpeiısov kırıs bölıgınıŋ jyldyq josparyn 5 631,7 mln teŋgege ūlǧaitudy ūsyndy. Sonyŋ ışınde 2 479,4 mln teŋge salyqtyq, 3 152,3 mln teŋge salyqtyq emes tüsımder qūramaq. Künı būryn būl mäselenı komissiiada egjei-tegjei talqylaǧan deputattar basqarma bastyǧynyŋ ūsynysyn qos qolyn kötermese de bırden qoldady.
Sessiiadaǧy talqylanǧan taǧy bır maŋyzdy jaŋalyq – aldaǧy merekemen bailanysty. 1 jeltoqsan künı elımızde bırınşı ret Qazaqstan Respublikasynyŋ Tūŋǧyş Prezidentınıŋ künı toilanatyny barşamyzǧa belgılı. Osyǧan orai, halyqtyŋ äleumettık tūrǧyda az qamtylǧan tobyna bır rettık äleumettık järdemaqy körsetılmek. Mūqtaj azamattarǧa qandai kömek jäne qalai körsetıletını turaly Jūmyspen qamtu jäne äleumettık baǧdarlamalar basqarmasy bastyǧynyŋ orynbasary Läzzat Abeuova baiandady. Ūly Otan soǧysynyŋ ardagerlerıne 20 myŋ, ŪOS ardagerlerıne teŋestırılgen, Auǧanstan soǧysynyŋ ardagerlerıne, soǧys ardagerlerınıŋ jesırlerıne 10 myŋ teŋge kölemınde kömek körsetılmek. Sonymen bırge mūndai kömekpen jetımder men köpbalaly otbasylar da qamtylady. Būl maqsatqa jergılıktı biudjetten 125 mln teŋge közdelıp otyr. Deputattar būl ūsynysty da bırauyzdan qoldady.