Bas qalada Sūltanbek Orynbasarovty eske aluǧa arnalǧan bochchadan aşyq respublikalyq turnirdıŋ bairaǧy köterıldı. Qazaqstannyŋ 8 öŋırınen kelgen parasportşylar «Aspan» sport keşenınde baq synauda.
Mädeniet jäne sport ministrlıgı Sport jäne dene şynyqtyru ısterı komitetınıŋ töraǧasy Erbol Myrzabosynovtyŋ aituynşa, elımızde 200-den astam parasportşy bochchamen ainalysady.
– Biyl 13 sportşy Ūlttyq paralimpiadalyq qūramaǧa qabyldandy. Bızdıŋ qūrama Paraaziialyq oiyndarǧa qatysty, būl – ülken jetıstık. Ministrlık tarapynan elımızde osy sport türın damytuǧa jan-jaqty qoldau körsetıledı, – dedı aşylu saltanaty kezınde komitet töraǧasy.
Astana qalasy Dene şynyqtyru jäne sport basqarmasynyŋ basşysy Vasilii Levit bochcha sporty mümkındıgı şekteulı balalardyŋ qiyndyqty jeŋuge yntalandyratynyn atap öttı.
Qazaqstan bochcha federasiiasynyŋ bas hatşysy Nūrgül Üljekovanyŋ aituynşa, Qazaqstanda bochcha sportyn qalyptastyruǧa Sūltanbek Orynbasarov ülken üles qosqan, sondyqtan būl turnir jattyqtyruşynyŋ eŋbegıne qūrmet retınde ūiymdastyrylǧan.
Bochcha – būl tırek-qimyly qatty zaqymdanǧan adamdar üşın paralimpiialyq sport türı sanalatyn dop oiyny. Turnir 6 nauryzǧa deiın jalǧasady.
