Memlekettık qyzmet ısterı agenttıgı Astana qalasy boiynşa departamentınıŋ ūiymdastyruymen elordada «Memlekettık qyzmettegı äielderdıŋ rölı» taqyrybynda döŋgelek üstel öttı.
Memlekettık qyzmette äielder erlermen teŋ mansap qūra ala ma? Qyzmetke qabyldau jäne jūmystan şyǧaru kezınde olardyŋ qūqyǧy saqtala ma? Jalpy memlekettık qyzmet jüiesındegı äielderdıŋ rölı qandai? Memlekettık qyzmet ısterı agenttıgı ūiymdastyrǧan dialog alaŋynda bırqatar sarapşy osy mäselelerdı talqylady. Jiyn maqsaty – memlekettık apparatta qyzmet atqaratyn näzık jandardyŋ qūqyqtyq jaǧdaiyn aiqyndau, käsıbi daǧdylaryn damytu, memlekettık qyzmette özara qarym-qatynastyŋ joǧary mädenietın qalyptastyru.
Döŋgelek üstelge Memlekettık qyzmet ısterı agenttıgı Astana qalasy boiynşa departamentınıŋ basşysy Maqsat Musin, Astana qalasy äkımdıgı janyndaǧy äielder ısterı jäne otbasy-demografiia saiasaty jönındegı komissiia orynbasary Nazgül Maqjan, Astana qalasy Polisiia departamentı imidjdık jūmys jäne ışkı kommunikasiia bölımınıŋ bastyǧy, polisiia podpolkovnigı Gülmira Şrahmetova jäne qalalyq äielder ısterı jäne otbasy-demografiia saiasaty jönındegı komissiia müşesı Limana Qoişieva jäne astanalyq memlekettık qyzmetşıler qatysty.
«Qazır memlekettık qyzmette jürgen äielder bılıktı jäne täjıribelı käsıbi maman retınde özgelerge ülgı bola otyryp, olardy ılgerıletuge ülesın qosuy kerek. Ökınışke qarai, bügınde adal, ädıl memleketşıldık beinege degen senım azaiǧan jäne būl negızsız emes. Sondyqtan bız ärbır memlekettık qyzmetşınıŋ jäne tūtastai alǧanda memlekettık qyzmettıŋ imidjıne terıs yqpal etetın barlyq jaǧymsyz jaǧdaidy boldyrmau baǧytynda jūmys ısteuımız kerek. Būl Prezidenttıŋ bastamasymen aitylǧan saiasi reformalardy jüzege asyruǧa yqpal etedı» dedı öz sözınde Memlekettık qyzmet ısterı agenttıgı Astana qalasy boiynşa departamentınıŋ bas mamany Äbdıqahar Slamqūl.
