Taldyköl ainalasynda qūrylys jūmysy jürıp jatqan joq. Būl turaly Astana qalasynyŋ äkımı Jeŋıs Qasymbek Ükımet otyrysynan keiın ötken baspasöz mäslihatynda mälımdedı.
Qala basşysy Taldyköl maŋyndaǧy qūrylys jūmysyna qatysty taǧy da tüsınık berdı.
– Eger Taldyköl maŋyndaǧy 5-jer uchaskesı turaly aityp otyrsaŋyz, onyŋ köl aumaǧyna eşqandai qatysy joq, arasy bırneşe şaqyrym. Biyl qaŋtarda jelıde taraǧan videoǧa kelsek, bır ǧana tūrǧyn üidıŋ qūrylysy, būl jerde tūrǧyn üiler keşenı salynbaidy. Ol boiynşa qajet jaǧdaida mäselenı sot tärtıbımen şeşemız, – dedı Jeŋıs Qasymbek.
Astana qalasy äkımınıŋ aituynşa, Taldyköl ainalasynda qūrylys jūmysy jürıp jatqan joq.
– Kölge jaqyn jerde jaily mektep salu josparlanuda, bıraq būl halyqtyŋ sūranysy boiynşa bolǧaly tūr. Al būǧan deiın aitylǧan saiabaq jobasy ıske asady. Oǧan biyl biudjetten qarjy bölınıp, merdıger ūiym belgılendı. Byltyr qaraşada saiabaq jobasyna qatysty eko-belsendılerden qosymşa ūsynystar berıldı, bız olardy qaraimyz. Ellington tūrǧyn üi keşenınıŋ 5-uchaskege qatysy joq. Köl jaǧalauyna tūrǧyn üi keşenı salynyp jatqan joq, qūrylys jūmysy toqtatyldy, – dedı şahar basşysy.
